11. Anāpucchāsikkhāpadavaṇṇanā
Ekādasame bhikkhussa puratoti na abhimukhamevāti attho , idaṃ pana upacāraṃ sandhāya kathitanti veditabbaṃ .
Tasmā bhikkhussa upacāre antamaso chamāyapi ‘‘ nisīdāmi , ayyā ’’ ti anāpucchitvā nisīdantiyā pācittiyaṃ .
Sāvatthiyaṃ sambahulā bhikkhuniyo ārabbha anāpucchā nisīdanavatthusmiṃ paññattaṃ , tikapācittiyaṃ , āpucchite dvikadukkaṭaṃ .
Tasmiṃ āpucchitasaññāya , gilānāya , āpadāsu , ummattikādīnañca anāpatti .
Bhikkhussa anāpucchā , upacāre nisajjā , anuññātakāraṇābhāvoti imānettha tīṇi aṅgāni .
Samuṭṭhānādīni kathinasadisāni , idaṃ pana kiriyākiriyanti .
Anāpucchāsikkhāpadavaṇṇanā niṭṭhitā .