5. Udakasuddhikasikkhāpadavaṇṇanā
Pañcame udakasuddhikan ti muttakaraṇassa dhovanaṃ .
Ādiyamānāyāti karontiyā .
Dvaṅgulapabbaparamaṃ
V0.301 ādātabban ti dvīsu aṅgulīsu ekekaṃ katvā dvaṅgulapabbaparamaṃ ādātabbaṃ .Taṃ atikkāmentiyāti sace dhovanakāle rāgavasena vitthārato tatiyāya aṅguliyā aggapabbaṃ , gambhīrato ekissāva aṅguliyā tatiyapabbaṃ paveseti pācittiyaṃ .
Sakkesu aññataraṃ bhikkhuniṃ ārabbha atigambhīraṃ udakasuddhikaṃ ādiyanavatthusmiṃ paññattaṃ , tikapācittiyaṃ , ūnakadvaṅgulapabbe dvikadukkaṭaṃ .
Tasmiṃ pana
M0.315 ūnakasaññāya , dvaṅgulapabbaparamaṃ ādiyantiyā , ābādhapaccayā atirekampi , ummattikādīnañca anāpatti , sesaṃ tatiyasadisamevāti .Udakasuddhikasikkhāpadavaṇṇanā niṭṭhitā .