2. Sambādhalomasikkhāpadavaṇṇanā
Dutiye sambādheti paṭicchannokāse , upakacchakesu ca muttakaraṇe cāti attho .
Saṃharāpeyyāti ettha khurasaṇḍāsakattariādīsu yena kenaci saṃharāpentiyā payogagaṇanāya pācittiyaṃ , na lomagaṇanāya .
Sāvatthiyaṃ chabbaggiyā bhikkhuniyo ārabbha sambādhe lomaṃ saṃharāpanavatthusmiṃ paññattaṃ , attano
V0.300 atthāya aññaṃ āṇāpentiyā sāṇattikaṃ , āpattibhedonatthi .Ābādhapaccayā , ummattikādīnañca anāpatti .
Ābādhābhāvo , sambādhe lomasaṃharaṇanti imānettha dve aṅgāni .
Samuṭṭhānādīni bhikkhuniyā saddhiṃ ekaddhānamaggagamanasikkhāpadasadisānīti .
Sambādhalomasikkhāpadavaṇṇanā niṭṭhitā .