1. Ekamañcatuvaṭṭanasikkhāpadavaṇṇanā
Tuvaṭṭavaggassa
M0.327 paṭhame tuvaṭṭeyyun ti nipajjeyyuṃ .Tāsu pana ekāya vā nipannāya aparā nipajjatu , dvepi vā saheva nipajjantu , dvinnampi pācittiyaṃ .
Sāvatthiyaṃ sambahulā bhikkhuniyo ārabbha dvinnaṃ ekamañce tuvaṭṭanavatthusmiṃ paññattaṃ , sace pana ekāya nipannāya ekā nisīdati , ubho vā nisīdanti , tāsaṃ , ummattikādīnañca anāpatti .
Ekamañcatā , dvinnaṃ tuvaṭṭananti imānettha dve aṅgāni .
Samuṭṭhānādīni eḷakalomasadisānīti .
Ekamañcatuvaṭṭanasikkhāpadavaṇṇanā niṭṭhitā .