5. Anāpucchāpakkamanasikkhāpadavaṇṇanā
Pañcame purebhattan ti aruṇuggamanaṃ upādāya yāva majjhanhikaṃ .
Āsaneti pallaṅkassokāsabhūte .
Sāmike anāpucchāti tasmiṃ kule yaṃkiñci viññuṃ manussaṃ anāpucchā .
Pakkameyyāti ettha channassa anto nisīditvā anovassakaṃ ajjhokāse upacāraṃ atikkāmentiyā paṭhamapāde dukkaṭaṃ , dutiye pācittiyaṃ .
Sāvatthiyaṃ aññataraṃ bhikkhuniṃ ārabbha anāpucchā pakkamanavatthusmiṃ paññattaṃ , tikapācittiyaṃ , pallaṅkassa anokāse dukkaṭaṃ , tathā āpucchite
M0.320 anāpucchitasaññāya ceva vematikāya ca .Āpucchitasaññāya pana , asaṃhārime , gilānāya , āpadāsu , ummattikādīnañca
V0.306 anāpatti .Purebhattatā , antaraghare nisajjā , āsanassa pallaṅkokāsatā , aññatra anuññātakāraṇā anāpucchanaṃ , vuttaparicchedātikkamoti imānettha pañca aṅgāni .
Samuṭṭhānādīni kathinasadisāni , idaṃ pana kiriyākiriyanti .
Anāpucchāpakkamanasikkhāpadavaṇṇanā niṭṭhitā .