5. Aññacetāpanasikkhāpadavaṇṇanā
Pañcame
M0.310 aññaṃ cetāpetvāti attano kappiyabhaṇḍena ‘‘ idaṃ nāma āharā ’’ ti aññaṃ parivattāpetvā .Aññaṃ cetāpeyyāti ‘‘ evaṃ me idaṃ datvā aññampi āharissatī ’’ ti maññamānā ‘‘ na me iminā attho , idaṃ nāma me āharā ’’ ti tato aññaṃ cetāpeyya .
Tassā cetāpanappayoge dukkaṭaṃ , paṭilābhena tena vā aññena vā mūlena āhaṭaṃ nissaggiyaṃ hoti , sesaṃ catutthasadisamevāti .
Aññacetāpanasikkhāpadavaṇṇanā niṭṭhitā .