4. Naupaṭṭhāpanasikkhāpadavaṇṇanā
Catutthe
V0.315 dukkhitan ti gilānaṃ .Sahajīvinin ti saddhivihāriniṃ .
Neva upaṭṭhaheyyāti tassā upaṭṭhānaṃ sayaṃ vā akarontiyā , parehi vā akārentiyā dhuraṃ nikkhittamatte pācittiyaṃ .
Sāvatthiyaṃ
P0.185 thullanandaṃ ārabbha dukkhitaṃ sahajīviniṃ anupaṭṭhānavatthusmiṃ paññattaṃ , antevāsiniyā vā anupasampannāya vā dukkaṭaṃ , dasasu aññatarantarāye sati pariyesitvā alabhantiyā , gilānāya , āpadāsu , ummattikādīnañca anāpatti .Gilānatā , saddhivihāritā , anuññātakāraṇābhāvo , upaṭṭhāne dhuranikkhepoti imānettha cattāri aṅgāni .
Samuṭṭhānādīni samanubhāsanasadisānīti .
Naupaṭṭhāpanasikkhāpadavaṇṇanā niṭṭhitā .