10. Dutiyasahajīvinisikkhāpadavaṇṇanā
Dasame
V0.332 neva vūpakāseyyāti na gahetvā gaccheyya .Na vūpakāsāpeyyāti ‘‘ imaṃ , ayye , gahetvā gacchāhī ’’ ti aññaṃ na āṇāpeyya .
Pācittiyan ti dhure nikkhittamatte pācittiyaṃ .
Sāvatthiyaṃ thullanandaṃ ārabbha sahajīviniyā avūpakāsanavatthusmiṃ paññattaṃ .
Sati pana antarāye , pariyesitvā dutiyikaṃ alabhantiyā , gilānāya
M0.345 , āpadāsu , ummattikādīnañca anāpatti .Sahajīvinitā , vūpakāsavūpakāsāpane dhuranikkhepo , anuññātakāraṇābhāvoti imānettha tīṇi aṅgāni .
Samuṭṭhānādīni samanubhāsanasadisānīti .
Dutiyasahajīvinisikkhāpadavaṇṇanā niṭṭhitā .
Gabbhinīvaggo sattamo .