7. Antoraṭṭhasikkhāpadavaṇṇanā
Sattame antoraṭṭheti yassa vijite viharati , tassa raṭṭhe .
Asatthikā cārikan ti vinā satthena gacchantiyā , gāmantaragaṇanāya , agāmake araññe addhayojanagaṇanāya pācittiyaṃ .
Sāvatthiyaṃ sambahulā bhikkhuniyo ārabbha vuttanayeneva desacārikaṃ
P0.186 pakkamanavatthusmiṃ paññattaṃ .Satthena saha gacchantiyā , kheme appaṭibhaye , āpadāsu , ummattikādīnañca anāpatti .
Antoraṭṭhatā , akhematā , anuññātakāraṇābhāvo , cārikaṃ pakkamananti imānettha cattāri aṅgāni .
Samuṭṭhānādīni eḷakalomasadisānīti .
Antoraṭṭhasikkhāpadavaṇṇanā niṭṭhitā .