10. Ananuññātasikkhāpadavaṇṇanā
Dasame mātāpitūhīti vijātamātarā ca janakapitarā ca .
Sāmikenāti yena pariggahitā , tena .
Ananuññātan ti upasampadatthāya ananuññātaṃ .
Dvikkhattuñhi bhikkhunīhi āpucchitabbaṃ , pabbajjākāle ca upasampadākāle ca , bhikkhūnaṃ pana sakiṃ āpucchitepi vaṭṭati
P0.202 .Tasmā yā upasampadākāle anāpucchā upasampādeti , tassā vuttanayeneva pācittiyaṃ .
Sāvatthiyaṃ
M0.348 thullanandaṃ ārabbha ananuññātavuṭṭhāpanavatthusmiṃ paññattaṃ .Apaloketvā vuṭṭhāpentiyā , tesaṃ atthibhāvaṃ ajānantiyā , ummattikādīnañca anāpatti .
Anapalokanaṃ , atthibhāvajānanaṃ , vuṭṭhāpananti imānettha tīṇi aṅgāni .
Ananuññātasamuṭṭhānaṃ , kiriyākiriyaṃ , nosaññāvimokkhaṃ , acittakaṃ , paṇṇattivajjaṃ , kāyakammaṃ , vacīkammaṃ , ticittaṃ , tivedananti .
Ananuññātasikkhāpadavaṇṇanā niṭṭhitā .