57. Chattapāṇisikkhāpadavaṇṇanā
Dhammadesanāpaṭisaṃyuttesu paṭhame yaṃkiñci chattaṃ pāṇimhi assāti chattapāṇi .
So taṃ chattaṃ yatthakatthaci sarīrāvayave ṭhapetvāpi yāva hatthena na muñcati , tāvassa dhammaṃ desetuṃ na vaṭṭati .
Sace panassa añño chattaṃ dhāreti , passe vā ṭhitaṃ hoti , hatthato apagatamatte chattapāṇi nāma na hoti , tassa desetuṃ vaṭṭati .
Dhammaparicchedo cettha padasodhamme vuttanayeneva veditabbo .