1. Lasuṇasikkhāpadavaṇṇanā
Pācittiyesu
M0.313V0.299 lasuṇavaggassa tāva paṭhame lasuṇan ti magadharaṭṭhe jātaṃ āmakaṃ bhaṇḍikalasuṇameva , na ekadvitimiñjakaṃ .Tañhi ‘‘ khādissāmī ’’ ti paṭiggaṇhantiyā dukkaṭaṃ , ajjhohāre ajjhohāre pācittiyaṃ .
Sāvatthiyaṃ thullanandaṃ ārabbha lasuṇaṃ harāpanavatthusmiṃ paññattaṃ , tikapācittiyaṃ , alasuṇe dvikadukkaṭaṃ .
Tasmiṃ pana alasuṇasaññāya , palaṇḍuke , bhañjanake , haritake , cāpalasuṇe , sūpasampāke , maṃsasampāke , telasampāke , sāḷave , uttaribhaṅge , ummattikādīnañca anāpatti .
Āmakalasuṇañceva , ajjhoharaṇañcāti imānettha dve aṅgāni .
Samuṭṭhānādīni eḷakalomasadisānīti .
Lasuṇasikkhāpadavaṇṇanā niṭṭhitā .