5. Nikkaḍḍhanasikkhāpadavaṇṇanā
Pañcame upassayaṃ datvāti sakavāṭabaddhaṃ attano puggalikavihāraṃ datvā .
Nikkaḍḍheyyāti bahūnipi dvārāni ekappayogena nikkaḍḍhentiyā ekā āpatti , nānāpayogehi payogagaṇanāya āpattiyo , āṇattiyampi eseva nayo .
Sace pana ‘‘ imañcimañca dvāraṃ atikkāmehī ’’ ti āṇāpeti , ekāya āṇattiyā eva dvāragaṇanāya āpattiyo .
Sāvatthiyaṃ
M0.329 thullanandaṃ ārabbha etādise vatthusmiṃ paññattaṃ , tikapācittiyaṃ , akavāṭabaddhato dukkaṭaṃ , anupasampannāya tikadukkaṭaṃ , sakavāṭabaddhato vā akavāṭabaddhato vā ubhinnampi parikkhāranikkaḍḍhane dukkaṭameva , sesaṃ saṅghikavihāranikkaḍḍhanasikkhāpade vuttanayamevāti .Nikkaḍḍhanasikkhāpadavaṇṇanā niṭṭhitā .