4. Ukkhittakaosāraṇasikkhāpadavaṇṇanā
Catutthe ukkhittan ti āpattiyā adassanādīsu ukkhittaṃ .
Anaññāya gaṇassa
P0.164 chandan ti tasseva kārakasaṅghassa chandaṃ ajānitvā .Osāreyyāti osāraṇakammaṃ kareyya .
Tassā evaṃ karontiyā , gaṇapariyesane sīmāsammutiyā ñattiyā ca dukkaṭaṃ , dvīhi kammavācāhi thullaccayaṃ , kammavācāpariyosāne saṅghādiseso .
Sāvatthiyaṃ thullanandaṃ ārabbha evaṃ osāraṇavatthusmiṃ paññattaṃ , tikasaṅghādisesaṃ , adhammakamme tikadukkaṭaṃ , kārakasaṅghaṃ vā āpucchitvā , gaṇassa vā chandaṃ jānitvā , vatte vā vattantiṃ , asante kārakasaṅghe osārentiyā , ummattikādīnañca anāpatti .
Dhammakammena ukkhittatā , aññatra anuññātakāraṇā
M0.302 osāraṇanti imānettha dve aṅgāni .Samuṭṭhānādīni saṅghabhedasikkhāpade vuttanayāneva , idaṃ pana kiriyākiriyanti .
Ukkhittakaosāraṇasikkhāpadavaṇṇanā niṭṭhitā .