2. Atthaṅgatasikkhāpadavaṇṇanā
Dutiye
P0.98 ovadeyyāti aṭṭhagarudhammehi vā aññena vā dhammena ovadantassa sammatassāpi pācittiyameva .Sāvatthiyaṃ āyasmantaṃ cūḷapanthakaṃ ārabbha atthaṅgate sūriye ovadanavatthusmiṃ paññattaṃ , asādhāraṇapaññatti , anāṇattikaṃ , tikapācittiyaṃ , sūriye atthaṅgate atthaṅgatasaññino vematikassa vā , ekatoupasampannaṃ ovadantassa ca dukkaṭaṃ .
Purimasikkhāpade viya uddesādinayena anāpatti .
Atthaṅgatasūriyatā , paripuṇṇūpasampannatā , ovadananti imānettha tīṇi aṅgāni .
Samuṭṭhānādīni padasodhammasadisānevāti .
Atthaṅgatasikkhāpadavaṇṇanā niṭṭhitā .