8. Kumāribhūtavaggo
1-5.Paṭhamakumāribhūtādisikkhāpadavaṇṇanā
Sabbapaṭhamā dve mahāsikkhamānāti gabbhinivagge vuttā dve sikkhamānā .
‘‘ Sikkhamānā ’’ icceva vattabbāti sammutikammādīsu evaṃ vattabbā .
‘‘ Gihigatā ’’ ti
M0.482 vā ‘‘ kumāribhūtā ’’ ti vā na vattabbāti sace vadanti , kammaṃ kuppatīti adhippāyo .Catutthapañcamāni uttānatthāneva .
Paṭhamakumāribhūtādisikkhāpadavaṇṇanā niṭṭhitā .
6-8.Khīyanadhammādisikkhāpadavaṇṇanā
Vuṭṭhāpanasammutiyā yācitāyāti upasampadāsammutiyā yācitāya .
Sattamaṭṭhamāni uttānatthāneva .
Khīyanadhammādisikkhāpadavaṇṇanā niṭṭhitā .
9. Sokāvāsasikkhāpadavaṇṇanā
Āgacchamānāti
V0.449 āgacchantī .Sokāvāsasikkhāpadavaṇṇanā niṭṭhitā .
10. Ananuññātasikkhāpadavaṇṇanā
Tesaṃ atthibhāvaṃ ajānantiyāti ( pāci . aṭṭha .1163) tesaṃ mātādīnaṃ atthibhāvaṃ ajānantiyā .
Ananuññātasamuṭṭhānan ti yaṃ vācato , kāyavācato , vācācittato , kāyavācācittato ca samuṭṭhāti , taṃ ananuññātasamuṭṭhānaṃ .
Kathaṃ ?
Abbhānakammādīsu kenacideva karaṇīyena khaṇḍasīmāyaṃ nisinnā ‘‘ pakkosatha sikkhamānaṃ , idheva naṃ upasampādessāmā ’’ ti upasampādeti , evaṃ vācato samuṭṭhāti .
‘‘ Upassayato uṭṭhāya upasampādessāmī ’’ ti vatvā khaṇḍasīmaṃ gacchantiyā kāyavācato samuṭṭhāti .
Dvīsu ṭhānesu paṇṇattiṃ jānitvā vītikkamaṃ karontiyā vācācittato , kāyavācācittato ca samuṭṭhāti .
Ananujānāpetvā upasampādanato kiriyākiriyaṃ .
Ananuññātasikkhāpadavaṇṇanā niṭṭhitā .
11. Pārivāsikasikkhāpadavaṇṇanā
Dāruṇan ti
M0.483 pāpaṃ .Patimānentan ti olokentaṃ .
Pārivāsikasikkhāpadavaṇṇanā niṭṭhitā .
12. Anuvassasikkhāpadavaṇṇanā
Ekantarikan ti ekena vassena antarikaṃ katvā .
Anuvassasikkhāpadavaṇṇanā niṭṭhitā .
13. Ekavassasikkhāpadavaṇṇanā
Mātikāyaṃ
V0.450 ekaṃ vassaṃ dveti ekantarike ekekasmiṃ saṃvacchare dve .Ekantarikaṃ vuṭṭhāpentiyāti imasmiṃ vasse ekaṃ , puna ekantarikaṃ ekanti dve vuṭṭhāpentiyā anāpatti .
Ekavassasikkhāpadavaṇṇanā niṭṭhitā .
Kumāribhūtavaggo aṭṭhamo .