1. Methunadhammasikkhāpadavaṇṇanā
Abhilāpamattan ti vacanamattaṃ , na atthoti adhippāyo .
Liṅgabhedamattan ti purisaliṅgaṃ itthiliṅganti visesamattaṃ .
Visesoti nānāttaṃ .
Chandena cevāti pemena ceva , sinehena cevāti attho
V0.416 .Ruciyā cāti icchāya ca .
Padhaṃsitāyāti dūsitāya .
Paripuṇṇā upasampadā yassā sā paripuṇṇūpasampadā , ubhatosaṅghena upasampannāti attho .
Methunadhammasikkhāpadavaṇṇanā niṭṭhitā .