3. Naggavaggo
1-2.Naggādisikkhāpadavaṇṇanā
Idan ti
M0.474 idaṃ udakasāṭikacīvaraṃ .Dutiyaṃ uttānatthameva .
Naggādisikkhāpadavaṇṇanā niṭṭhitā .
3. Cīvarasibbanasikkhāpadavaṇṇanā
Visibbetvāti vijaṭetvā .
Dhuraṃ nikkhittamatteti dhure nikkhittamatte , dhuraṃ nikkhipitvā sacepi pacchā sibbati , āpattiyevāti attho .
Cīvarasibbanasikkhāpadavaṇṇanā niṭṭhitā .
4. Saṅghāṭicārasikkhāpadavaṇṇanā
‘‘ Idaṃ
V0.440 me cīvaraṃ mahagghaṃ īdise corabhaye na sakkā dhāretunti evarūpāsu āpadāsū ’’ ti ettha pāṭho .So pana kākapadasañjanitamohehi lekhakehi uparisikkhāpade likhito .
Kiñcāpi tattha likhito , ettheva pana daṭṭhabbo .
Saṅghāṭicārasikkhāpadavaṇṇanā niṭṭhitā .
5. Cīvarasaṅkamanīyasikkhāpadavaṇṇanā
Āpadāsu vā dhāretīti sace apārutaṃ vā anivatthaṃ vā corā haranti , evarūpāsū āpadāsu dhāreti , anāpatti .
Cīvarasaṅkamanīyasikkhāpadavaṇṇanā niṭṭhitā .
6. Gaṇacīvarasikkhāpadavaṇṇanā
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ .
‘‘ Samagghakāle dassathā ’’ ti evaṃ ānisaṃsaṃ dassetvā nivārentiyāti
M0.475 ‘‘ kittakaṃ agghanakaṃ dātukāmatthā ’’ ti pucchitvā ( pāci . aṭṭha .909)‘‘ ettakaṃ nāmā ’’ ti vutte ‘‘ āgametha tāva , idāni vatthaṃ mahagghaṃ , katipāhena kappāse āhaṭe samagghaṃ bhavissati , tasmiṃ kāle dassathā ’’ ti evaṃ ānisaṃsaṃ dassetvā nivārentiyā .Gaṇacīvarasikkhāpadavaṇṇanā niṭṭhitā .
7-10.Paṭibāhanādisikkhāpadavaṇṇanā
Ānisaṃsaṃ dassetvā paṭibāhantiyāti ‘‘ ekissā ekaṃ sāṭakaṃ nappahoti , āgametha tāva , katipāhena uppajjissati , tato bhājessāmā ’’ ti ( pāci . aṭṭha .915) evaṃ ānisaṃsaṃ dassetvā paṭibāhantiyā anāpatti .
Aṭṭhamanavamāni
V0.441 uttānatthāneva .Sesan ti ‘‘ dhammike vematikāyā ’’ tiādikaṃ avasesaṃ .
Tattha ānisaṃsaṃ dassetvā paṭibāhantiyāti ‘‘ bhikkhunisaṅgho jiṇṇacīvaro , kathinānisaṃsamūlako mahālābho ’’ ti ( pāci . aṭṭha .931) evarūpaṃ ānisaṃsaṃ dassetvā paṭibāhantiyā anāpatti .
Paṭibāhanādisikkhāpadavaṇṇanā niṭṭhitā .
Naggavaggo tatiyo .