7. Nikkaḍḍhanasikkhāpadavaṇṇanā
Anekakoṭṭhakānīti
M0.369 anekadvārakoṭṭhakāni .‘‘ Nikkhamāti vacanaṃ sutvā attano ruciyā ce nikkhamati , anāpattī ’’ ti ( sārattha . ṭī . pācittiya 126) vadanti .
Tassa
V0.338 parikkhāranikkaḍḍhaneti tassa santakaṃ yaṃ kiñci pattacīvaraparissāvanadhammakaraṇamañcapīṭhabhisibibbohanādibhedaṃ antamaso rajanachallipi atthi , tassa parikkhārassa nikkaḍḍhane .Tañcāti dukkaṭaṃ parāmasati .
Nikkaḍḍhāpane pi eseva nayo .
Gāḷhaṃ bandhitvā ṭhapitesu pana ekāva āpatti .
Bhaṇḍanakārakakalahakārakameva sakalasaṅghārāmato nikkaḍḍhituṃ labhati .
So hi pakkhaṃ labhitvā saṅghampi bhindeyya .
Alajjiādayo pana attano vasanaṭṭhānatoyeva nikkaḍḍhitabbā .
Sakalasaṅghārāmato nikkaḍḍhituṃ na vaṭṭati .
Tenāha ‘‘ sakalasaṅghārāmatopī ’’ tiādi .
Nikkaḍḍhanasikkhāpadavaṇṇanā niṭṭhitā .