63. Yānasikkhāpadavaṇṇanā
Yānagatassāti
M0.444 ‘‘ yānaṃ nāma vayhaṃ , ratho , sakaṭaṃ , sandhamānikā , sivikā , pāṭaṅkī ’’ ti ( pāci .640,1187) vuttaṃ yānaṃ upādāya antamaso hatthasaṅghāṭamhi gatassa .Tenāha ‘‘ sacepi dvīhi janehī ’’ tiādi .
Vayhādiketi ettha vayhanti upari maṇḍapasadisaṃ padaracchadanaṃ , sabbapāliguṇṭhimaṃ vā chādetvā kataṃ sakaṭavisesaṃ ‘‘ vayhan ’’ ti vadanti .
Ādi saddena rathādīnaṃ gahaṇaṃ .
Yānasikkhāpadavaṇṇanā niṭṭhitā .