Issues
Editor
Settings
Versions
Select Version
Bhikkhu Bodhi
English
sāsanāre-သာသနာရေး
မြန်မာဘာသာ
Pañcakanipātapāḷi
Pañcakanipātapāḷi

9. Akkhamasuttaṃ

Author： _System_Pali_VRI_ @ Administrator

9. Akkhamasuttaṃ

139.‘‘ PañcahiV2.148 , bhikkhave , aṅgehi samannāgato rañño nāgo na rājāraho hoti na rājabhoggo , na rañño aṅgaṃtveva saṅkhaṃ gacchatiM2.139 .
Katamehi pañcahi ?
Idha , bhikkhave , rañño nāgo akkhamo hoti rūpānaṃ , akkhamo saddānaṃ , akkhamo gandhānaṃ , akkhamo rasānaṃ , akkhamo phoṭṭhabbānaṃ .
‘‘ Kathañca , bhikkhave , rañño nāgo akkhamo hoti rūpānaṃ ?
Idha , bhikkhave , rañño nāgo saṅgāmagato hatthikāyaṃ vā disvā assakāyaṃ vā disvā rathakāyaṃ vā disvā pattikāyaṃ vā disvā saṃsīdati visīdati , na santhambhati na sakkoti saṅgāmaṃ otarituṃ .
Evaṃ kho , bhikkhave , rañño nāgo akkhamo hoti rūpānaṃ .
‘‘ Kathañca , bhikkhave , rañño nāgo akkhamo hoti saddānaṃ ?
Idha , bhikkhave , rañño nāgo saṅgāmagato hatthisaddaṃ vā sutvā assasaddaṃ vā sutvā rathasaddaṃ vā sutvā pattisaddaṃ vā sutvā bheripaṇavasaṅkhatiṇavaninnādasaddaṃ vā sutvā saṃsīdati visīdati , na santhambhati na sakkoti saṅgāmaṃ otarituṃ .
Evaṃ kho , bhikkhave , rañño nāgo akkhamo hoti saddānaṃ .
‘‘ Kathañca , bhikkhave , rañño nāgo akkhamo hoti gandhānaṃ ?
IdhaP3.158 , bhikkhave , rañño nāgo saṅgāmagato ye te rañño nāgā abhijātā saṅgāmāvacarā tesaṃ muttakarīsassa gandhaṃ ghāyitvā saṃsīdati visīdati , na santhambhati na sakkoti saṅgāmaṃ otarituṃ .
Evaṃ kho , bhikkhave , rañño nāgo akkhamo hoti gandhānaṃ .
‘‘ Kathañca , bhikkhave , rañño nāgo akkhamo hotiT3.177 rasānaṃ ?
Idha , bhikkhave , rañño nāgo saṅgāmagato ekissā vā tiṇodakadattiyā vimānito [ vihanīto ( syā .), vihānito ( katthaci )] dvīhi vā tīhi vā catūhi vā pañcahi vā tiṇodakadattīhi vimānito saṃsīdati visīdati , na santhambhati na sakkoti saṅgāmaṃ otarituṃ .
Evaṃ kho , bhikkhave , rañño nāgo akkhamo hoti rasānaṃ .
‘‘ Kathañca , bhikkhave , rañño nāgo akkhamo hoti phoṭṭhabbānaṃ ?
Idha , bhikkhave , rañño nāgoV2.149 saṅgāmagato ekena vā saravegena viddho , dvīhi vā tīhi vā catūhi vā pañcahi vā saravegehi viddho saṃsīdati visīdati , naM2.140 santhambhati na sakkoti saṅgāmaṃ otarituṃ .
Evaṃ kho , bhikkhave , rañño nāgo akkhamo hoti phoṭṭhabbānaṃ .
‘‘ Imehi kho , bhikkhave , pañcahi aṅgehi samannāgato rañño nāgo na rājāraho hoti na rājabhoggo na rañño aṅgaṃtveva saṅkhaṃ gacchati .
‘‘ Evamevaṃ kho , bhikkhave , pañcahi aṅgehi samannāgato bhikkhu na āhuneyyo hoti na pāhuneyyo na dakkhiṇeyyo na añjalikaraṇīyo na anuttaraṃ puññakkhettaṃ lokassa .
Katamehi pañcahi ?
Idha , bhikkhave , bhikkhu akkhamo hoti rūpānaṃ , akkhamo saddānaṃ , akkhamo gandhānaṃ , akkhamo rasānaṃ , akkhamo phoṭṭhabbānaṃ .
‘‘ Kathañca , bhikkhave , bhikkhu akkhamo hoti rūpānaṃ ?
Idha , bhikkhave , bhikkhu cakkhunā rūpaṃ disvā rajanīye rūpe sārajjati , na sakkoti cittaṃ samādahituṃ .
Evaṃ kho , bhikkhave , bhikkhu akkhamo hoti rūpānaṃ .
‘‘ Kathañca , bhikkhave , bhikkhu akkhamo hoti saddānaṃ ?
IdhaP3.159 , bhikkhave , bhikkhu sotenaT3.178 saddaṃ sutvā rajanīye sadde sārajjati , na sakkoti cittaṃ samādahituṃ .
Evaṃ kho , bhikkhave , bhikkhu akkhamo hoti saddānaṃ .
‘‘ Kathañca , bhikkhave , bhikkhu akkhamo hoti gandhānaṃ ?
Idha , bhikkhave , bhikkhu ghānena gandhaṃ ghāyitvā rajanīye gandhe sārajjati , na sakkoti cittaṃ samādahituṃ .
Evaṃ kho , bhikkhave , bhikkhu akkhamo hoti gandhānaṃ .
‘‘ Kathañca , bhikkhave , bhikkhu akkhamo hoti rasānaṃ ?
Idha , bhikkhave , bhikkhu jivhāya rasaṃ sāyitvā rajanīye rase sārajjati , na sakkoti cittaṃ samādahituṃ .
Evaṃ kho , bhikkhave , bhikkhu akkhamo hoti rasānaṃ .
‘‘ KathañcaV2.150 , bhikkhave , bhikkhu akkhamo hoti phoṭṭhabbānaṃ ?
Idha , bhikkhave , bhikkhu kāyena phoṭṭhabbaṃ phusitvā rajanīye phoṭṭhabbe sārajjati , na sakkoti cittaṃ samādahituṃ .
Evaṃ kho , bhikkhave , bhikkhu akkhamo hoti phoṭṭhabbānaṃ .
‘‘ Imehi kho , bhikkhave , pañcahi dhammehi samannāgato bhikkhu na āhuneyyo hoti na pāhuneyyo na dakkhiṇeyyo na añjalikaraṇīyo na anuttaraṃ puññakkhettaṃ lokassa .
‘‘ PañcahiM2.141 , bhikkhave , aṅgehi samannāgato rañño nāgo rājāraho hoti rājabhoggo , rañño aṅgaṃtveva saṅkhaṃ gacchati .
Katamehi pañcahi ?
Idha , bhikkhave , rañño nāgo khamo hoti rūpānaṃ , khamo saddānaṃ , khamo gandhānaṃ , khamo rasānaṃ , khamo phoṭṭhabbānaṃ .
‘‘ Kathañca , bhikkhave , rañño nāgo khamo hoti rūpānaṃ ?
Idha , bhikkhave , rañño nāgo saṅgāmagato hatthikāyaṃ vā disvā assakāyaṃ vā disvā rathakāyaṃ vā disvā pattikāyaṃ vāT3.179 disvā na saṃsīdati na visīdati , santhambhati sakkoti saṅgāmaṃ otarituṃ .
Evaṃ kho , bhikkhave , rañño nāgo khamo hoti rūpānaṃ .
‘‘ Kathañca , bhikkhave , rañño nāgo khamo hoti saddānaṃ ?
IdhaP3.160 , bhikkhave , rañño nāgo saṅgāmagato hatthisaddaṃ vā sutvā assasaddaṃ vā sutvā rathasaddaṃ vā sutvā pattisaddaṃ vā sutvā bheripaṇavasaṅkhatiṇavaninnādasaddaṃ vā sutvā na saṃsīdati na visīdati , santhambhati sakkoti saṅgāmaṃ otarituṃ .
Evaṃ kho , bhikkhave , rañño nāgo khamo hoti saddānaṃ .
‘‘ Kathañca , bhikkhave , rañño nāgo khamo hoti gandhānaṃ ?
Idha , bhikkhave , rañño nāgo saṅgāmagato ye te rañño nāgā abhijātā saṅgāmāvacarā tesaṃ muttakarīsassa gandhaṃ ghāyitvā na saṃsīdati na visīdati , santhambhati sakkoti saṅgāmaṃ otarituṃ .
Evaṃ kho , bhikkhave , rañño nāgo khamo hoti gandhānaṃ .
‘‘ Kathañca , bhikkhave , rañño nāgo khamo hoti rasānaṃ ?
Idha , bhikkhave , rañño nāgo saṅgāmagato ekissā vā tiṇodakadattiyā vimānito dvīhi vā tīhi vā catūhi vā pañcahiV2.151 vā tiṇodakadattīhi vimānito na saṃsīdati na visīdati , santhambhati sakkoti saṅgāmaṃ otarituṃ .
Evaṃ kho , bhikkhave , rañño nāgo khamo hoti rasānaṃ .
‘‘ Kathañca , bhikkhave , rañño nāgo khamo hoti phoṭṭhabbānaṃ ?
Idha , bhikkhave , rañño nāgo saṅgāmagato ekena vā saravegena viddho , dvīhi vā tīhi vā catūhi vā pañcahi vā saravegehi viddho na saṃsīdati na visīdati , santhambhati sakkoti saṅgāmaṃ otarituṃ .
Evaṃ kho , bhikkhave , rañño nāgo khamo hoti phoṭṭhabbānaṃ .
‘‘ ImehiT3.180M2.142 kho , bhikkhave , pañcahi aṅgehi samannāgato rañño nāgo rājāraho hoti rājabhoggo , rañño aṅgaṃtveva saṅkhaṃ gacchati .
‘‘ Evamevaṃ kho , bhikkhave , pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa .
Katamehi pañcahi ?
Idha , bhikkhave , bhikkhu khamo hoti rūpānaṃ , khamo saddānaṃ , khamo gandhānaṃ , khamo rasānaṃ , khamo phoṭṭhabbānaṃP3.161 .
‘‘ Kathañca , bhikkhave , bhikkhu khamo hoti rūpānaṃ ?
Idha , bhikkhave , bhikkhu cakkhunā rūpaṃ disvā rajanīye rūpe na sārajjati , sakkoti cittaṃ samādahituṃ .
Evaṃ kho , bhikkhave , bhikkhu khamo hoti rūpānaṃ .
‘‘ Kathañca , bhikkhave , bhikkhu khamo hoti saddānaṃ ?
Idha , bhikkhave , bhikkhu sotena saddaṃ sutvā rajanīye sadde na sārajjati , sakkoti cittaṃ samādahituṃ .
Evaṃ kho , bhikkhave , bhikkhu khamo hoti saddānaṃ .
‘‘ Kathañca , bhikkhave , bhikkhu khamo hoti gandhānaṃ .
Idha , bhikkhave , bhikkhu ghānena gandhaṃ ghāyitvā rajanīye gandhe na sārajjati , sakkoti cittaṃ samādahituṃ .
Evaṃ kho , bhikkhave , bhikkhu khamo hoti gandhānaṃ .
‘‘ KathañcaV2.152 , bhikkhave , bhikkhu khamo hoti rasānaṃ ?
Idha , bhikkhave , bhikkhu jivhāya rasaṃ sāyitvā rajanīye rase na sārajjati , sakkoti cittaṃ samādahituṃ .
Evaṃ kho , bhikkhave , bhikkhu khamo hoti rasānaṃ .
‘‘ Kathañca , bhikkhave , bhikkhu khamo hoti phoṭṭhabbānaṃ ?
Idha , bhikkhave , bhikkhu kāyena phoṭṭhabbaṃ phusitvā rajanīye phoṭṭhabbe na sārajjati , sakkoti cittaṃ samādahituṃ .
Evaṃ kho , bhikkhave , bhikkhu khamo hoti phoṭṭhabbānaṃ .
‘‘ ImehiT3.181 kho , bhikkhave , pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā ’’ ti .
Navamaṃ .