Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Pañcakanipātapāḷi
Pañcakanipātapāḷi

4. Verasuttaṃ

Author： _System_Pali_VRI_ @ Administrator

4. Verasuttaṃ

174. AthaM2.180 kho anāthapiṇḍiko gahapati yena bhagavā tenupasaṅkami ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘ Pañca , gahapati , bhayāni verāni appahāya ‘ dussīlo ’ iti vuccati , nirayañca upapajjati .
Katamāni pañca ?
Pāṇātipātaṃ , adinnādānaṃ , kāmesumicchācāraṃ , musāvādaṃ , surāmerayamajjapamādaṭṭhānaṃ – imāniP3.205 kho , gahapati , pañca bhayāni verāni appahāya ‘ dussīlo ’ iti vuccati , nirayañca upapajjati .
‘‘ Pañca , gahapati , bhayāni verāni pahāya ‘ sīlavā ’ iti vuccati , sugatiñca upapajjatiV2.191 .
Katamāni pañca ?
Pāṇātipātaṃ , adinnādānaṃ , kāmesumicchācāraṃ , musāvādaṃ , surāmerayamajjapamādaṭṭhānaṃ – imāni kho , gahapati , pañca bhayāni verāni pahāya ‘ sīlavā ’ iti vuccati , sugatiñca upapajjati .
‘‘ Yaṃ , gahapati , pāṇātipātī pāṇātipātapaccayā diṭṭhadhammikampi bhayaṃ veraṃ pasavati , samparāyikampi bhayaṃ veraṃ pasavati , cetasikampiT3.229 dukkhaṃ domanassaṃ paṭisaṃvedeti , pāṇātipātā paṭivirato neva diṭṭhadhammikaṃ bhayaṃ veraṃ pasavati , na samparāyikaṃ bhayaṃ veraṃ pasavati , na cetasikaṃ dukkhaṃ domanassaṃ paṭisaṃvedeti .
Pāṇātipātā paṭiviratassa evaṃ taṃ bhayaṃ veraṃ vūpasantaṃ hoti .
‘‘ Yaṃ , gahapati , adinnādāyī … pe ….
‘‘ Yaṃ , gahapati , kāmesumicchācārī … pe ….
‘‘ Yaṃ , gahapati , musāvādī … pe ….
‘‘ Yaṃ , gahapati , surāmerayamajjapamādaṭṭhāyī surāmerayamajjapamādaṭṭhānapaccayā diṭṭhadhammikampi bhayaṃ veraṃ pasavati , samparāyikampi bhayaṃ veraṃ pasavati , cetasikampi dukkhaṃ domanassaṃ paṭisaṃvedeti , surāmerayamajjapamādaṭṭhānā paṭivirato neva diṭṭhadhammikaṃ bhayaṃ veraṃ pasavati , na samparāyikaṃ bhayaṃ veraṃ pasavati , na cetasikaṃ dukkhaṃ domanassaṃ paṭisaṃvedeti .
Surāmerayamajjapamādaṭṭhānā paṭiviratassa evaṃ taṃ bhayaṃ veraṃ vūpasantaṃ hotī ’’ ti .
‘‘ YoM2.181 pāṇamatipāteti , musāvādañca bhāsati ;
Loke adinnaṃ ādiyati , paradārañca gacchati ;
Surāmerayapānañca , yo naro anuyuñjati .
‘‘ Appahāya pañca verāni , dussīlo iti vuccati ;
Kāyassa bhedā duppañño , nirayaṃ sopapajjati .
‘‘ YoV2.192 pāṇaṃ nātipāteti , musāvādaṃ na bhāsati ;
Loke adinnaṃ nādiyati , paradāraṃ na gacchati ;
SurāmerayapānañcaP3.206 , yo naro nānuyuñjati .
‘‘ Pahāya pañca verāni , sīlavā iti vuccati ;
KāyassaT3.230 bhedā sappañño , sugatiṃ sopapajjatī ’’ ti .
catutthaṃ ;