Issues
Editor
Settings
Versions
Select Version
Bhikkhu Bodhi
English
sāsanāre-သာသနာရေး
မြန်မာဘာသာ
Pañcakanipātapāḷi
Pañcakanipātapāḷi

10. Dutiyasekhasuttaṃ

Author： _System_Pali_VRI_ @ Administrator

10. Dutiyasekhasuttaṃ

90.‘‘ Pañcime , bhikkhave , dhammā sekhassa bhikkhuno parihānāya saṃvattanti .
Katame pañca ?
Idha , bhikkhave , sekho bhikkhu bahukicco hoti bahukaraṇīyoT3.132 viyatto kiṃkaraṇīyesu ;
riñcati paṭisallānaṃ , nānuyuñjati ajjhattaṃ cetosamathaṃ .
Ayaṃ , bhikkhave , paṭhamo dhammo sekhassa bhikkhuno parihānāya saṃvattati .
‘‘ Puna caparaṃ , bhikkhave , sekho bhikkhu appamattakena kammena divasaṃ atināmeti ;
riñcati paṭisallānaṃ , nānuyuñjati ajjhattaṃ cetosamathaṃ .
Ayaṃ , bhikkhave , dutiyo dhammo sekhassa bhikkhuno parihānāya saṃvattati .
‘‘ Puna caparaṃ , bhikkhave , sekho bhikkhu saṃsaṭṭho viharati gahaṭṭhapabbajitehi ananulomikena gihisaṃsaggena ;
riñcati paṭisallānaṃ , nānuyuñjati ajjhattaṃ cetosamathaṃP3.117 .
Ayaṃ , bhikkhave , tatiyo dhammo sekhassa bhikkhuno parihānāya saṃvattati .
‘‘ Puna caparaṃ , bhikkhave , sekho bhikkhu akālena gāmaṃ pavisati , atidivā paṭikkamati ;
riñcati paṭisallānaṃ , nānuyuñjati ajjhattaṃ cetosamathaṃ .
Ayaṃ , bhikkhave , catuttho dhammo sekhassa bhikkhuno parihānāya saṃvattati .
‘‘ PunaM2.103 caparaṃ , bhikkhave , sekho bhikkhu yāyaṃ kathā ābhisallekhikā cetovivaraṇasappāyā , seyyathidaṃ – appicchakathā santuṭṭhikathā pavivekakathā asaṃsaggakathā vīriyārambhakathāV2.109 sīlakathā samādhikathā paññākathā vimuttikathā vimuttiñāṇadassanakathā , evarūpiyā kathāya na nikāmalābhī hoti na akicchalābhī na akasiralābhī [ kicchalābhī kasiralābhī ( sī . syā . kaṃ . pī )];
riñcati paṭisallānaṃ , nānuyuñjati ajjhattaṃ cetosamathaṃ .
Ayaṃ , bhikkhave , pañcamo dhammo sekhassa bhikkhuno parihānāya saṃvattati .
Ime kho , bhikkhave , pañca dhammā sekhassa bhikkhuno parihānāya saṃvattanti .
‘‘ Pañcime , bhikkhave , dhammā sekhassa bhikkhuno aparihānāya saṃvattanti .
Katame pañca ?
Idha , bhikkhave , sekho bhikkhuT3.133 na bahukicco hoti na bahukaraṇīyo viyatto kiṃkaraṇīyesu ;
na riñcati paṭisallānaṃ , anuyuñjati ajjhattaṃ cetosamathaṃ .
Ayaṃ , bhikkhave , paṭhamo dhammo sekhassa bhikkhuno aparihānāya saṃvattati .
‘‘ Puna caparaṃ , bhikkhave , sekho bhikkhu na appamattakena kammena divasaṃ atināmeti ;
na riñcati paṭisallānaṃ , anuyuñjati ajjhattaṃ cetosamathaṃ .
Ayaṃ , bhikkhave , dutiyo dhammo sekhassa bhikkhuno aparihānāya saṃvattati .
‘‘ Puna caparaṃ , bhikkhave , sekho bhikkhu asaṃsaṭṭho viharati gahaṭṭhapabbajitehi ananulomikena gihisaṃsaggena ;
na riñcati paṭisallānaṃ , anuyuñjati ajjhattaṃ cetosamathaṃP3.118 .
Ayaṃ , bhikkhave , tatiyo dhammo sekhassa bhikkhuno aparihānāya saṃvattati .
‘‘ Puna caparaṃ , bhikkhave , sekho bhikkhu na atikālena gāmaṃ pavisati , nātidivā paṭikkamati ;
na riñcati paṭisallānaṃ , anuyuñjati ajjhattaṃ cetosamathaṃ .
Ayaṃ , bhikkhave , catuttho dhammo sekhassa bhikkhuno aparihānāya saṃvattati .
‘‘ Puna caparaṃ , bhikkhave , sekho bhikkhu yāyaṃ kathā ābhisallekhikā cetovivaraṇasappāyā , seyyathidaṃ – appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā , evarūpiyā kathāyaM2.104 nikāmalābhī hoti akicchalābhī akasiralābhī ;
na riñcati paṭisallānaṃ , anuyuñjati ajjhattaṃ cetosamathaṃ .
Ayaṃ , bhikkhave , pañcamo dhammo sekhassa bhikkhunoV2.110 aparihānāya saṃvattati .
Ime kho , bhikkhave , pañca dhammā sekhassa bhikkhuno aparihānāya saṃvattantī ’’ ti .
Dasamaṃ .
Theravaggo catuttho .
Tassuddānaṃ –
RajanīyoT3.134 vītarāgo , kuhakāssaddhaakkhamā ;
Paṭisambhidā ca sīlena , thero sekhā pare duveti .