3. Paṭhamavaḍḍhisuttaṃ
63.‘‘ Pañcahi , bhikkhave , vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati , sārādāyī ca hoti varādāyī ca kāyassa .
Katamāhi pañcahi ?
Saddhāya vaḍḍhati , sīlena vaḍḍhati , sutena vaḍḍhati , cāgena vaḍḍhati , paññāya vaḍḍhati – imāhi kho , bhikkhave , pañcahi vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati , sārādāyī ca hoti varādāyī ca kāyassā ’’ ti .
‘‘ Saddhāya
V2.75 sīlena ca yo pavaḍḍhati [ yodha vaḍḍhati ( sī .)],Paññāya cāgena sutena cūbhayaṃ ;
So tādiso sappuriso vicakkhaṇo ,
Ādīyatī sāramidheva attano ’’ ti .
tatiyaṃ ;