10. Āsavakkhayasuttaṃ
70.‘‘ Pañcime , bhikkhave , dhammā bhāvitā bahulīkatā āsavānaṃ khayāya saṃvattanti .
Katame pañca ?
Idha , bhikkhave , bhikkhu asubhānupassī kāye viharati , āhāre paṭikūlasaññī
V2.78 , sabbaloke anabhiratasaññī , sabbasaṅkhāresu aniccānupassī , maraṇasaññā kho panassa ajjhattaṃ sūpaṭṭhitā hoti .Ime kho , bhikkhave , pañca dhammā bhāvitā bahulīkatā āsavānaṃ khayāya saṃvattantī ’’ ti .
Dasamaṃ .
Saññāvaggo dutiyo .
Tassuddānaṃ –
Dve ca saññā dve vaḍḍhī ca , sākacchena ca sājīvaṃ ;
Iddhipādā ca dve vuttā , nibbidā cāsavakkhayāti .