5. Daṭṭhabbasuttaṃ
15.‘‘ Pañcimāni , bhikkhave , balāni .
Katamāni pañca ?
Saddhābalaṃ , vīriyabalaṃ , satibalaṃ , samādhibalaṃ , paññābalaṃ
P3.12 .Kattha ca , bhikkhave , saddhābalaṃ daṭṭhabbaṃ ?
Catūsu sotāpattiyaṅgesu .
Ettha saddhābalaṃ daṭṭhabbaṃ .
Kattha ca , bhikkhave , vīriyabalaṃ daṭṭhabbaṃ ?
Catūsu sammappadhānesu .
Ettha vīriyabalaṃ
T3.13 daṭṭhabbaṃ .Kattha ca , bhikkhave , satibalaṃ daṭṭhabbaṃ ?
Catūsu satipaṭṭhānesu .
Ettha satibalaṃ daṭṭhabbaṃ .
Kattha ca , bhikkhave , samādhibalaṃ daṭṭhabbaṃ ?
Catūsu jhānesu .
Ettha samādhibalaṃ daṭṭhabbaṃ .
Kattha ca , bhikkhave , paññābalaṃ daṭṭhabbaṃ ?
Catūsu ariyasaccesu .
Ettha paññābalaṃ daṭṭhabbaṃ .
Imāni kho , bhikkhave , pañca balānī ’’ ti .
Pañcamaṃ .