8. Bhattādakasuttaṃ
138.‘‘ Pañcahi , bhikkhave , aṅgehi samannāgato rañño nāgo bhattādako ca hoti okāsapharaṇo ca laṇḍasāraṇo ca salākaggāhī ca rañño nāgotveva saṅkhaṃ gacchati .
Katamehi pañcahi ?
Idha , bhikkhave , rañño nāgo akkhamo hoti rūpānaṃ , akkhamo saddānaṃ , akkhamo gandhānaṃ , akkhamo rasānaṃ , akkhamo phoṭṭhabbānaṃ .
Imehi kho , bhikkhave , pañcahi aṅgehi samannāgato rañño nāgo bhattādako ca okāsapharaṇo ca laṇḍasāraṇo ca salākaggāhī ca , rañño nāgotveva saṅkhaṃ gacchati .
‘‘ Evamevaṃ kho , bhikkhave , pañcahi dhammehi samannāgato bhikkhu bhattādako ca hoti , okāsapharaṇo ca mañcapīṭhamaddano [ pīṭhamaddano ( sī . syā . kaṃ . pī .)] ca salākaggāhī ca , bhikkhutveva saṅkhaṃ gacchati .
Katamehi pañcahi ?
Idha
P3.157 , bhikkhave , bhikkhu akkhamo hoti rūpānaṃ , akkhamo saddānaṃ , akkhamo gandhānaṃ , akkhamo rasānaṃ , akkhamo phoṭṭhabbānaṃ .Imehi kho , bhikkhave , pañcahi dhammehi samannāgato bhikkhu
T3.176 bhattādako ca hoti okāsapharaṇo ca mañcapīṭhamaddano ca salākaggāhī ca , bhikkhutveva saṅkhaṃ gacchatī ’’ ti .Aṭṭhamaṃ .