2. Doṇabrāhmaṇasuttaṃ

Author： _System_Pali_VRI_ @ Administrator

No version selected — showing the Pali original by default.

2. Doṇabrāhmaṇasuttaṃ

192. AthaP3.223 kho doṇo brāhmaṇo yena bhagavā tenupasaṅkami ;

upasaṅkamitvā bhagavatā saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho doṇo brāhmaṇo bhagavantaṃ etadavoca –

‘‘ SutaṃM2.197 metaṃ , bho gotama –

‘ na samaṇo gotamo brāhmaṇe jiṇṇe vuḍḍhe mahallake addhagate vayoanuppatte abhivādeti vā paccuṭṭheti vā āsanena vā nimantetī ’ ti .

Tayidaṃ , bho gotama , tatheva .

Na hi bhavaṃ gotamo brāhmaṇe jiṇṇe vuḍḍhe mahallake addhagate vayoanuppatte abhivādeti vā paccuṭṭheti vāT3.250 āsanena vā nimanteti .

Tayidaṃ , bho gotama , na sampannamevā ’’ ti .

‘‘ Tvampi no , doṇa , brāhmaṇo paṭijānāsī ’’ ti ?

‘‘ Yañhi taṃ , bho gotama , sammā vadamāno vadeyya –

‘ brāhmaṇo ubhato sujāto – mātito ca pitito ca , saṃsuddhagahaṇiko , yāva sattamā pitāmahayugā akkhito anupakkuṭṭho jātivādena , ajjhāyako mantadharo , tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ , padako veyyākaraṇo lokāyatamahāpurisalakkhaṇesu anavayo ’ ti , mameva taṃ , bho gotama , sammā vadamāno vadeyya .

Ahañhi , bho gotama , brāhmaṇo ubhato sujāto – mātito ca pitito ca , saṃsuddhagahaṇiko , yāva sattamā pitāmahayugā akkhitto anupakkuṭṭho jātivādena , ajjhāyako mantadharo , tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ , padako veyyākaraṇo lokāyatamahāpurisalakkhaṇesu anavayo ’’ ti .

‘‘ Ye kho , te doṇa , brāhmaṇānaṃ pubbakāP3.224 isayo mantānaṃ kattāro mantānaṃ pavattāro , yesamidaṃV2.209 etarahi brāhmaṇā porāṇaṃ mantapadaṃ gītaṃ pavuttaṃ samihitaṃ tadanugāyanti tadanubhāsanti bhāsitamanubhāsanti sajjhāyitamanusajjhāyanti vācitamanuvācenti , seyyathidaṃ – aṭṭhako , vāmako , vāmadevo , vessāmitto , yamadaggi [ yamataggi ( sī .) dī . ni .1.284,526,536; ma . ni .2.427; mahāva .300; a . ni .5.192 passitabbaṃ ], aṅgīraso , bhāradvājo , vāseṭṭho , kassapo , bhagu ;

tyāssu ’ me pañca brāhmaṇe paññāpenti – brahmasamaṃ , devasamaṃ , mariyādaṃ , sambhinnamariyādaṃ , brāhmaṇacaṇḍālaṃyeva pañcamaṃ .

Tesaṃ tvaṃ doṇa , katamo ’’ ti ?

‘‘ Na kho mayaṃ , bho gotama , pañca brāhmaṇe jānāma , atha kho mayaṃ brāhmaṇātvevaT3.251 jānāma .

Sādhu me bhavaṃ gotamo tathā dhammaṃ desetu yathā ahaṃ ime pañca brāhmaṇe jāneyyan ’’ ti .

‘‘ Tena hi , brāhmaṇa , suṇohi , sādhukaṃM2.198 manasi karohi ;

bhāsissāmī ’’ ti .

‘‘ Evaṃ bho ’’ ti kho doṇo brāhmaṇo bhagavato paccassosi .

Bhagavā etadavoca –

‘‘ Kathañca , doṇa , brāhmaṇo brahmasamo hoti ?

Idha , doṇa , brāhmaṇo ubhato sujāto hoti – mātito ca pitito ca , saṃsuddhagahaṇiko , yāva sattamā pitāmahayugā akkhitto anupakkuṭṭho jātivādena .

So aṭṭhacattālīsavassāni komārabrahmacariyaṃ [ kodhāraṃ brahmacariyaṃ ( syā . ka .)] carati mante adhīyamāno .

Aṭṭhacattālīsavassāni komārabrahmacariyaṃ caritvā mante adhīyitvā ācariyassa ācariyadhanaṃ pariyesati dhammeneva , no adhammena .

‘‘ Tattha ca , doṇa , ko dhammo ?

NevaP3.225 kasiyā na vaṇijjāya na gorakkhena na issatthena [ na issattena ( ka .)] na rājaporisena na sippaññatarena , kevalaṃ bhikkhācariyāya kapālaṃ anatimaññamāno .

So ācariyassa ācariyadhanaṃ niyyādetvā [ nīyyādetvā ( sī .), nīyādetvā ( pī .), niyyātetvā ( katthaci )] kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati .

So evaṃ pabbajito samāno mettāsahagatena cetasā ekaṃ disaṃ pharitvā viharati , tathā dutiyaṃ tathā tatiyaṃ tathā catutthaṃ [ catutthiṃ ( sī .)], iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena [ abyāpajjhena ( ka .) abyābajjhena (?)] pharitvā viharati .

Karuṇā … pe … muditā … upekkhāsahagatena cetasā ekaṃ disaṃ pharitvā viharati , tathā dutiyaṃ tathā tatiyaṃ tathā catutthaṃT3.252 , iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati .

So ime cattāroV2.210 brahmavihāre bhāvetvā kāyassa bhedā paraṃ maraṇā sugatiṃ brahmalokaṃ upapajjati .

Evaṃ kho , doṇa , brāhmaṇo brahmasamo hoti .

‘‘ Kathañca , doṇa , brāhmaṇo devasamo hoti ?

Idha , doṇa , brāhmaṇo ubhato sujāto hoti – mātito ca pitito ca , saṃsuddhagahaṇiko , yāva sattamā pitāmahayugā akkhitto anupakkuṭṭho jātivādenaM2.199 .

So aṭṭhacattālīsavassāni komārabrahmacariyaṃ carati mante adhīyamāno .

Aṭṭhacattālīsavassāni komārabrahmacariyaṃ caritvā mante adhīyitvā ācariyassa ācariyadhanaṃ pariyesati dhammeneva , no adhammena .

Tattha ca , doṇa , ko dhammo ?

Neva kasiyā na vaṇijjāya na gorakkhena na issatthena na rājaporisena na sippaññatarena , kevalaṃ bhikkhācariyāya kapālaṃP3.226 anatimaññamāno .

So ācariyassa ācariyadhanaṃ niyyādetvā dāraṃ pariyesati dhammeneva , no adhammena .

‘‘ Tattha ca , doṇa , ko dhammo ?

Neva kayena na vikkayena , brāhmaṇiṃyeva udakūpassaṭṭhaṃ .

So brāhmaṇiṃyeva gacchati , na khattiyiṃ na vessiṃ na suddiṃ na caṇḍāliṃ na nesādiṃ na veniṃ [ na veṇiṃ ( sī . syā . kaṃ . pī .)] na rathakāriṃ na pukkusiṃ gacchati , na gabbhiniṃ gacchati , na pāyamānaṃ gacchati , na anutuniṃ gacchati .

Kasmā ca , doṇa , brāhmaṇo na gabbhiniṃ gacchati ?

Sace , doṇa , brāhmaṇo gabbhiniṃ gacchati , atimīḷhajo nāma so hoti māṇavako vā māṇavikā [ māṇavakī ( ka .)] vāT3.253 .

Tasmā , doṇa , brāhmaṇo na gabbhiniṃ gacchati .

Kasmā ca , doṇa , brāhmaṇo na pāyamānaṃ gacchati ?

Sace , doṇa , brāhmaṇo pāyamānaṃ gacchati , asucipaṭipīḷito nāma so hoti māṇavako vā māṇavikā vā .

Tasmā , doṇa , brāhmaṇo na pāyamānaṃ gacchati .

Tassa sā hoti brāhmaṇī neva kāmatthā na davatthā na ratatthā , pajatthāva brāhmaṇassa brāhmaṇī hoti .

So methunaṃ uppādetvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati .

So evaṃ pabbajito samāno vivicceva kāmehi … pe … catutthaṃ jhānaṃ upasampajja viharati .

So ime cattāro jhāneV2.211 bhāvetvā kāyassa bhedāP3.227 paraṃ maraṇā sugatiṃ saggaṃ lokaṃ upapajjati .

Evaṃ kho , doṇa , brāhmaṇo devasamo hoti .

‘‘ Kathañca , doṇa , brāhmaṇo mariyādo hoti ?

Idha , doṇa , brāhmaṇo ubhato sujāto hoti – mātito ca pitito ca , saṃsuddhagahaṇiko , yāva sattamā pitāmahayugā akkhitto anupakkuṭṭho jātivādena .

So aṭṭhacattālīsavassāni komārabrahmacariyaṃ carati mante adhīyamāno .

Aṭṭhacattālīsavassāni komārabrahmacariyaṃ caritvā mante adhīyitvā ācariyassa ācariyadhanaṃ pariyesati dhammeneva , no adhammenaM2.200 .

Tattha ca , doṇa , ko dhammo ?

Neva kasiyā na vaṇijjāya na gorakkhena na issatthena na rājaporisena na sippaññatarena , kevalaṃ bhikkhācariyāya kapālaṃ anatimaññamāno .

So ācariyassa ācariyadhanaṃ niyyādetvā dāraṃ pariyesati dhammeneva , no adhammena .

‘‘ Tattha ca , doṇaT3.254 , ko dhammo ?

Neva kayena na vikkayena , brāhmaṇiṃyeva udakūpassaṭṭhaṃ .

So brāhmaṇiṃyeva gacchati , na khattiyiṃ na vessiṃ na suddiṃ na caṇḍāliṃ na nesādiṃ na veniṃ na rathakāriṃ na pukkusiṃ gacchati , na gabbhiniṃ gacchati , na pāyamānaṃ gacchati , na anutuniṃ gacchati .

Kasmā ca , doṇa , brāhmaṇo na gabbhiniṃ gacchati ?

Sace , doṇa , brāhmaṇo gabbhiniṃ gacchati , atimīḷhajo nāma so hoti māṇavako vā māṇavikā vā .

Tasmā , doṇa , brāhmaṇo na gabbhiniṃ gacchati .

Kasmā ca , doṇa , brāhmaṇo na pāyamānaṃ gacchati ?

Sace , doṇa , brāhmaṇo pāyamānaṃ gacchati , asucipaṭipīḷito nāma so hoti māṇavako vā māṇavikā vā .

Tasmā , doṇa , brāhmaṇo na pāyamānaṃ gacchati .

Tassa sā hoti brāhmaṇī neva kāmatthā na davatthā na ratatthā , pajatthāva brāhmaṇassa brāhmaṇī hoti .

So methunaṃ uppādetvā tameva puttassādaṃ nikāmayamāno kuṭumbaṃ ajjhāvasati , na agārasmā anagāriyaṃ pabbajati .

Yāva porāṇānaṃ brāhmaṇānaṃ mariyādo tattha tiṭṭhati , taṃ na vītikkamati .

‘ Yāva porāṇānaṃ brāhmaṇānaṃ mariyādo tattha brāhmaṇo ṭhito taṃ na vītikkamatī ’ ti , kho , doṇa , tasmā brāhmaṇo mariyādoti vuccati .

Evaṃ kho , doṇa , brāhmaṇo mariyādo hoti .

‘‘ Kathañca , doṇa , brāhmaṇo sambhinnamariyādo hoti ?

IdhaP3.228 , doṇa , brāhmaṇo ubhato sujāto hoti – mātito ca pitito ca , saṃsuddhagahaṇiko , yāva sattamā pitāmahayugā akkhittoV2.212 anupakkuṭṭho jātivādenaT3.255 .

So aṭṭhacattālīsavassāni komārabrahmacariyaṃ carati mante adhīyamāno .

Aṭṭhacattālīsavassāni komārabrahmacariyaṃ caritvā mante adhīyitvā ācariyassa ācariyadhanaṃ pariyesati dhammeneva , no adhammena .

‘‘ Tattha ca , doṇa , ko dhammo ?

Neva kasiyā na vaṇijjāya na gorakkhena na issatthena na rājaporisena na sippaññatarena , kevalaṃ bhikkhācariyāya kapālaṃ anatimaññamāno .

So ācariyassa ācariyadhanaṃ niyyādetvā dāraṃM2.201 pariyesati dhammenapi adhammenapi kayenapi vikkayenapi brāhmaṇimpi udakūpassaṭṭhaṃ .

So brāhmaṇimpi gacchati khattiyimpi gacchati vessimpi gacchati suddimpi gacchati caṇḍālimpi gacchati nesādimpi gacchati venimpi gacchati rathakārimpi gacchati pukkusimpi gacchati gabbhinimpi gacchati pāyamānampi gacchati utunimpi gacchati anutunimpi gacchati .

Tassa sā hoti brāhmaṇī kāmatthāpi davatthāpi ratatthāpi pajatthāpi brāhmaṇassa brāhmaṇī hoti .

Yāva porāṇānaṃ brāhmaṇānaṃ mariyādo tattha na tiṭṭhati , taṃ vītikkamati .

‘ Yāva porāṇānaṃ brāhmaṇānaṃ mariyādo tattha brāhmaṇo na ṭhito taṃ vītikkamatī ’ ti kho , doṇa , tasmā brāhmaṇo sambhinnamariyādoti vuccati .

Evaṃ kho , doṇa , brāhmaṇo sambhinnamariyādo hoti .

‘‘ Kathañca , doṇa , brāhmaṇo brāhmaṇacaṇḍālo hoti ?

Idha , doṇa , brāhmaṇo ubhato sujāto hoti – mātito ca pitito ca , saṃsuddhagahaṇiko , yāva sattamā pitāmahayugā akkhittoT3.256 anupakkuṭṭho jātivādena .

So aṭṭhacattālīsavassāniP3.229 komārabrahmacariyaṃ carati mante adhīyamāno .

Aṭṭhacattālīsavassāni komārabrahmacariyaṃ caritvā mante adhīyitvā ācariyassa ācariyadhanaṃ pariyesati dhammenapi adhammenapi kasiyāpi vaṇijjāyapi gorakkhenapi issatthenapi rājaporisenapi sippaññatarenapi , kevalampi bhikkhācariyāya , kapālaṃ anatimaññamāno .

‘‘ So ācariyassa ācariyadhanaṃ niyyādetvā dāraṃ pariyesati dhammenapi adhammenapi kayenapi vikkayenapi brāhmaṇimpi udakūpassaṭṭhaṃ .

Tassa sā hoti brāhmaṇī kāmatthāpi davatthāpi ratatthāpi pajatthāpi brāhmaṇassaV2.213 brāhmaṇī hoti .

So sabbakammehi jīvikaṃ [ jīvitaṃ ( ka .)] kappeti .

Tamenaṃ brāhmaṇā evamāhaṃsu –

‘ kasmā bhavaṃ brāhmaṇo paṭijānamāno sabbakammehi jīvikaṃ kappetī ’ ti ?

So evamāha –

‘ seyyathāpi , bho , aggi sucimpi ḍahati asucimpi ḍahati , na ca tena aggi upalippati [ upalimpati ( ka .)];

evamevaṃ kho , bho , sabbakammehi cepi brāhmaṇo jīvikaṃ kappeti , na ca tena brāhmaṇo upalippati ’.

‘ Sabbakammehi jīvikaṃ kappetī ’ ti kho , doṇaM2.202 , tasmā brāhmaṇo brāhmaṇacaṇḍāloti vuccati .

Evaṃ kho , doṇa , brāhmaṇo brāhmaṇacaṇḍālo hoti .

‘‘ Ye kho te , doṇa , brāhmaṇānaṃ pubbakāT3.257 isayo mantānaṃ kattāro mantānaṃ pavattāro yesamidaṃ etarahi brāhmaṇā porāṇaṃ mantapadaṃ gītaṃ pavuttaṃ samīhitaṃ tadanugāyanti tadanubhāsanti bhāsitamanubhāsanti sajjhāyitamanusajjhāyanti vācimanuvācenti , seyyathidaṃ – aṭṭhako , vāmako , vāmadevo , vessāmitto , yamadaggi , aṅgīraso , bhāradvājo , vāseṭṭhoP3.230 , kassapo , bhagu ;

tyāssume pañca brāhmaṇe paññāpenti – brahmasamaṃ , devasamaṃ , mariyādaṃ , sambhinnamariyādaṃ , brāhmaṇacaṇḍālaṃyeva pañcamaṃ .

Tesaṃ tvaṃ , doṇa , katamo ’’ ti ?

‘‘ Evaṃ sante mayaṃ , bho gotama , brāhmaṇacaṇḍālampi na pūrema .

Abhikkantaṃ , bho gotama … pe … upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan ’’ ti .

Dutiyaṃ .

Issues

Select Version

Pañcakanipātapāḷi

Pañcakanipātapāḷi