9. Sīhasuttaṃ
99.‘‘ Sīho , bhikkhave , migarājā sāyanhasamayaṃ āsayā nikkhamati ;
āsayā nikkhamitvā vijambhati ;
vijambhitvā samantā catuddisaṃ [ catuddisā ( syā . kaṃ . pī . ka .) a . ni .4.33; saṃ . ni .3.78 passitabbaṃ ] anuviloketi ;
samantā catuddisaṃ [ catuddisā ( syā . kaṃ . pī . ka .) a . ni .4.33; saṃ . ni .3.78 passitabbaṃ ] anuviloketvā tikkhattuṃ sīhanādaṃ nadati ;
tikkhattuṃ sīhanādaṃ naditvā gocarāya pakkamati .
So hatthissa cepi pahāraṃ deti , sakkaccaññeva pahāraṃ deti , no asakkaccaṃ ;
mahiṃsassa [ mahisassa ( sī . syā . kaṃ . pī .)] cepi pahāraṃ deti , sakkaccaññeva pahāraṃ deti , no asakkaccaṃ ;
gavassa cepi pahāraṃ deti , sakkaccaññeva pahāraṃ deti , no asakkaccaṃ ;
dīpissa cepi
M2.107 pahāraṃ deti , sakkaccaññeva pahāraṃ detiV2.114 , no asakkaccaṃ ;khuddakānañcepi
P3.122 pāṇānaṃ pahāraṃ deti antamaso sasabiḷārānampi [ sasabiḷārānaṃ ( ka .)], sakkaccaññeva pahāraṃ deti , no asakkaccaṃ .Taṃ kissa hetu ?
‘ Mā me yoggapatho nassā ’ ti .
‘‘ Sīhoti kho , bhikkhave , tathāgatassetaṃ adhivacanaṃ arahato sammāsambuddhassa .
Yaṃ kho , bhikkhave , tathāgato parisāya dhammaṃ deseti , idamassa hoti sīhanādasmiṃ .
Bhikkhūnañcepi , bhikkhave , tathāgato dhammaṃ deseti , sakkaccaññeva tathāgato dhammaṃ deseti , no asakkaccaṃ ;
bhikkhunīnañcepi , bhikkhave , tathāgato dhammaṃ deseti , sakkaccaññeva tathāgato dhammaṃ deseti , no asakkaccaṃ ;
upāsakānañcepi , bhikkhave , tathāgato dhammaṃ deseti , sakkaccaññeva
T3.138 tathāgato dhammaṃ deseti , no asakkaccaṃ ;upāsikānañcepi , bhikkhave , tathāgato dhammaṃ deseti , sakkaccaññeva tathāgato dhammaṃ deseti , no asakkaccaṃ ;
puthujjanānañcepi , bhikkhave , tathāgato dhammaṃ deseti antamaso annabhāranesādānampi [ annabhāranesādānaṃ ( ka .)], sakkaccaññeva tathāgato dhammaṃ deseti , no asakkaccaṃ .
Taṃ kissa hetu ?
Dhammagaru , bhikkhave , tathāgato dhammagāravo ’’ ti .
Navamaṃ .