7. Paṭhamahitasuttaṃ
17.‘‘ Pañcahi
V2.12M2.11 , bhikkhave , dhammehi samannāgato bhikkhu attahitāya paṭipanno hoti , no parahitāya .Katamehi pañcahi ?
Idha , bhikkhave , bhikkhu attanā sīlasampanno hoti , no paraṃ sīlasampadāya samādapeti ;
attanā samādhisampanno hoti , no paraṃ samādhisampadāya samādapeti ;
attanā paññāsampanno hoti , no paraṃ paññāsampadāya samādapeti ;
attanā vimuttisampanno hoti , no paraṃ vimuttisampadāya samādapeti ;
attanā vimuttiñāṇadassanasampanno hoti , no paraṃ vimuttiñāṇadassanasampadāya samādapeti .
Imehi
P3.13 kho , bhikkhave , pañcahi aṅgehi samannāgatoT3.14 bhikkhu attahitāya paṭipanno hoti , no parahitāyā ’’ ti .Sattamaṃ .