6. Paṭisambhidāpattasuttaṃ
86.‘‘ Pañcahi , bhikkhave , dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo ca .
Katamehi pañcahi ?
Atthapaṭisambhidāpatto hoti , dhammapaṭisambhidāpatto hoti , niruttipaṭisambhidāpatto hoti , paṭibhānapaṭisambhidāpatto hoti
T3.129 , yāni tāni sabrahmacārīnaṃ uccāvacāni kiṃkaraṇīyāni tattha dakkho hoti analaso tatrupāyāya vīmaṃsāya samannāgato alaṃ kātuṃM2.100 alaṃ saṃvidhātuṃ – imehi kho , bhikkhave , pañcahi dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo cā ’’ ti .Chaṭṭhaṃ .