5. Dutiyasaddhammasammosasuttaṃ
155.‘‘ Pañcime , bhikkhave , dhammā saddhammassa sammosāya antaradhānāya saṃvattanti .
Katame pañca ?
Idha , bhikkhave , bhikkhū dhammaṃ na pariyāpuṇanti – suttaṃ , geyyaṃ , veyyākaraṇaṃ , gāthaṃ , udānaṃ , itivuttakaṃ , jātakaṃ , abbhutadhammaṃ , vedallaṃ .
Ayaṃ , bhikkhave , paṭhamo dhammo saddhammassa sammosāya antaradhānāya saṃvattati .
‘‘ Puna caparaṃ , bhikkhave , bhikkhū yathāsutaṃ yathāpariyattaṃ dhammaṃ
T3.198 na vitthārena paresaṃ desenti .Ayaṃ , bhikkhave , dutiyo dhammo saddhammassa sammosāya antaradhānāya saṃvattati .
‘‘ Puna caparaṃ , bhikkhave , bhikkhū yathāsutaṃ yathāpariyattaṃ dhammaṃ na vitthārena paraṃ [ paresaṃ ( sī . syā . kaṃ . pī .), pare (?)] vācenti .
Ayaṃ , bhikkhave , tatiyo dhammo saddhammassa sammosāya antaradhānāya saṃvattati .
‘‘ Puna caparaṃ , bhikkhave , bhikkhū yathāsutaṃ yathāpariyattaṃ dhammaṃ na vitthārena sajjhāyaṃ karonti .
Ayaṃ , bhikkhave , catuttho dhammo saddhammassa sammosāya antaradhānāya saṃvattati .
‘‘ Puna caparaṃ , bhikkhave , bhikkhū yathāsutaṃ yathāpariyattaṃ dhammaṃ na cetasā anuvitakkenti anuvicārenti manasānupekkhanti .
Ayaṃ , bhikkhave , pañcamo dhammo saddhammassa sammosāya antaradhānāya
V2.167 saṃvattati .Ime kho , bhikkhave , pañca dhammā saddhammassa sammosāya antaradhānāya saṃvattanti .
‘‘ Pañcime , bhikkhave , dhammā saddhammassa ṭhitiyā asammosāya anantaradhānāya saṃvattanti .
Katame pañca ?
Idha , bhikkhave , bhikkhū dhammaṃ pariyāpuṇanti – suttaṃ , geyyaṃ , veyyākaraṇaṃ , gāthaṃ , udānaṃ , itivuttakaṃ , jātakaṃ , abbhutadhammaṃ , vedallaṃ .
Ayaṃ , bhikkhave , paṭhamo
P3.178 dhammo saddhammassa ṭhitiyā asammosāya anantaradhānāya saṃvattati .‘‘ Puna
M2.157 caparaṃ , bhikkhave , bhikkhū yathāsutaṃ yathāpariyattaṃ dhammaṃ vitthārena paresaṃ desenti .Ayaṃ , bhikkhave , dutiyo dhammo saddhammassa ṭhitiyā asammosāya anantaradhānāya saṃvattati .
‘‘ Puna caparaṃ , bhikkhave , bhikkhū yathāsutaṃ yathāpariyattaṃ dhammaṃ vitthārena paraṃ vācenti .
Ayaṃ , bhikkhave , tatiyo dhammo saddhammassa ṭhitiyā asammosāya anantaradhānāya saṃvattati .
‘‘ Puna caparaṃ , bhikkhave
T3.199 , bhikkhū yathāsutaṃ yathāpariyattaṃ dhammaṃ vitthārena sajjhāyaṃ karonti .Ayaṃ , bhikkhave , catuttho dhammo saddhammassa ṭhitiyā asammosāya anantaradhānāya saṃvattati .
‘‘ Puna caparaṃ , bhikkhave , bhikkhū yathāsutaṃ yathāpariyattaṃ dhammaṃ cetasā anuvitakkenti anuvicārenti manasānupekkhanti .
Ayaṃ , bhikkhave , pañcamo dhammo saddhammassa ṭhitiyā asammosāya anantaradhānāya saṃvattati .
Ime kho , bhikkhave , pañca dhammā saddhammassa ṭhitiyā asammosāya anantaradhānāya saṃvattantī ’’ ti .
Pañcamaṃ .