7. Paṭhamaiddhipādasuttaṃ
67.‘‘ Yo hi koci , bhikkhave , bhikkhu vā bhikkhunī vā pañca dhamme [ ime pañca dhamme ( ka .)] bhāveti , pañca dhamme [ ime pañca dhamme ( ka .)] bahulīkaroti , tassa dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva
P3.82 dhamme aññā , sati vā upādisese anāgāmitā .‘‘ Katame pañca ?
Idha , bhikkhave , bhikkhu chandasamādhipadhānasaṅkhārasamannāgataṃ iddhipādaṃ bhāveti , vīriyasamādhi … pe … cittasamādhi … vīmaṃsāsamādhipadhānasaṅkhārasamannāgataṃ iddhipādaṃ bhāveti , ussoḷhiññeva pañcamiṃ [ ussoḷhīyeva pañcamī ( sī .)].
Yo hi koci , bhikkhave , bhikkhu vā bhikkhunī vā ime pañca dhamme bhāveti , ime pañca dhamme bahulīkaroti , tassa dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā , sati vā upādisese anāgāmitā ’’ ti .
Sattamaṃ .