6. Dutiyayodhājīvasuttaṃ

Author： _System_Pali_VRI_ @ Administrator

No version selected — showing the Pali original by default.

6. Dutiyayodhājīvasuttaṃ

76.‘‘ Pañcime , bhikkhave , yodhājīvā santo saṃvijjamānā lokasmiṃ .

Katame pañca ?

Idha , bhikkhave , ekacco yodhājīvo asicammaṃ gahetvā dhanukalāpaṃP3.94 sannayhitvā viyūḷhaṃ saṅgāmaṃ otarati .

So tasmiṃ saṅgāme ussahati vāyamati .

Tamenaṃ ussahantaṃ vāyamantaṃ pare hananti pariyāpādenti .

Evarūpopi , bhikkhave , idhekacco yodhājīvo hoti .

Ayaṃ , bhikkhave , paṭhamo yodhājīvo santo saṃvijjamāno lokasmiṃ .

‘‘ Puna caparaṃ , bhikkhave , idhekacco yodhājīvo asicammaṃ gahetvā dhanukalāpaṃ sannayhitvā viyūḷhaṃ saṅgāmaṃ otarati .

So tasmiṃ saṅgāme ussahatiM2.83 vāyamati .

Tamenaṃ ussahantaṃ vāyamantaṃ pare upalikkhanti [ upalikhanti ( ka .)], tamenaṃ apanenti ;

apanetvā ñātakānaṃ nenti .

So ñātakehi nīyamāno appatvāva ñātake antarāmagge kālaṃ karoti .

Evarūpopi , bhikkhave , idhekacco yodhājīvo hoti .

Ayaṃ , bhikkhave , dutiyo yodhājīvo santo saṃvijjamāno lokasmiṃ .

‘‘ Puna caparaṃ , bhikkhave , idhekacco yodhājīvo asicammaṃ gahetvā dhanukalāpaṃT3.107 sannayhitvā viyūḷhaṃ saṅgāmaṃ otarati .

So tasmiṃ saṅgāme ussahati vāyamati .

Tamenaṃ ussahantaṃ vāyamantaṃ pare upalikkhanti , tamenaṃ apanenti ;

apanetvā ñātakānaṃ nenti .

Tamenaṃ ñātakā upaṭṭhahanti paricaranti .

So ñātakehi upaṭṭhahiyamāno paricariyamāno teneva ābādhena kālaṃ karotiV2.89 .

Evarūpopi , bhikkhave , idhekacco yodhājīvo hoti .

Ayaṃ , bhikkhave , tatiyo yodhājīvo santo saṃvijjamāno lokasmiṃ .

‘‘ Puna caparaṃ , bhikkhave , idhekacco yodhājīvo asicammaṃ gahetvā dhanukalāpaṃ sannayhitvā viyūḷhaṃ saṅgāmaṃ otarati .

So tasmiṃ saṅgāme ussahati vāyamati .

Tamenaṃ ussahantaṃ vāyamantaṃ pare upalikkhanti , tamenaṃ apanenti ;

apanetvā ñātakānaṃ nenti .

Tamenaṃ ñātakā upaṭṭhahanti paricaranti .

So ñātakehi upaṭṭhahiyamāno paricariyamāno vuṭṭhāti tamhā ābādhā .

Evarūpopi , bhikkhave , idhekacco yodhājīvo hoti .

Ayaṃ , bhikkhave , catuttho yodhājīvo santo saṃvijjamāno lokasmiṃ .

‘‘ Puna caparaṃ , bhikkhave , idhekacco yodhājīvo asicammaṃ gahetvā dhanukalāpaṃ sannayhitvā viyūḷhaṃ saṅgāmaṃ otarati .

So taṃ saṅgāmaṃ abhivijinitvā vijitasaṅgāmoP3.95 tameva saṅgāmasīsaṃ ajjhāvasati .

Evarūpopi , bhikkhave , idhekacco yodhājīvo hoti .

Ayaṃ , bhikkhave , pañcamo yodhājīvo santo saṃvijjamāno lokasmiṃ .

Ime kho , bhikkhave , pañca yodhājīvā santo saṃvijjamānā lokasmiṃ .

‘‘ Evamevaṃ kho , bhikkhave , pañcime yodhājīvūpamā puggalā santo saṃvijjamānā bhikkhūsu .

Katame pañca ?

Idha , bhikkhave , bhikkhuT3.108 aññataraṃ gāmaṃ vā nigamaṃM2.84 vā upanissāya viharati .

So pubbaṇhasamayaṃ nivāsetvā pattacīvaramādāya tameva gāmaṃ vā nigamaṃ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaṃvutehi indriyehi .

So tattha passati mātugāmaṃ dunnivatthaṃ vā duppārutaṃ vā .

Tassa taṃ mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti .

So rāgānuddhaṃsitena cittena sikkhaṃ apaccakkhāya dubbalyaṃ anāvikatvā methunaṃ dhammaṃ paṭisevati .

‘‘ Seyyathāpi so , bhikkhave , yodhājīvo asicammaṃ gahetvā dhanukalāpaṃ sannayhitvā viyūḷhaṃ saṅgāmaṃ otarati , so tasmiṃ saṅgāme ussahati vāyamati , tamenaṃ ussahantaṃ vāyamantaṃ pare hananti pariyāpādenti ;

tathūpamāhaṃ , bhikkhave , imaṃ puggalaṃ vadāmi .

Evarūpopi , bhikkhave , idhekaccoV2.90 puggalo hoti .

Ayaṃ , bhikkhave , paṭhamo yodhājīvūpamo puggalo santo saṃvijjamāno bhikkhūsu .

‘‘ Puna caparaṃ , bhikkhave , bhikkhu aññataraṃ gāmaṃ vā nigamaṃ vā upanissāya viharati .

So tattha passati mātugāmaṃ dunnivatthaṃ vā duppārutaṃ vā .

Tassa taṃ mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti .

So rāgānuddhaṃsitena cittena pariḍayhateva kāyena pariḍayhati cetasā .

Tassa evaṃT3.109 hoti –

‘ yaṃnūnāhaṃ ārāmaṃ gantvāP3.96 bhikkhūnaṃ āroceyyaṃ – rāgapariyuṭṭhitomhi [ rāgāyitomhi ( sī . syā . kaṃ )], āvuso , rāgapareto , na sakkomi brahmacariyaṃ sandhāretuṃ ;

sikkhādubbalyaṃ āvikatvā sikkhaṃ paccakkhāya hīnāyāvattissāmī ’ ti .

So ārāmaṃ gacchanto appatvāva ārāmaṃ antarāmagge sikkhādubbalyaṃ āvikatvā sikkhaṃ paccakkhāya hīnāyāvattati .

apanetvā ñātakānaṃ nenti .

So ñātakehi nīyamāno appatvāvaM2.85 ñātake antarāmagge kālaṃ karoti ;

tathūpamāhaṃ , bhikkhave , imaṃ puggalaṃ vadāmi .

Evarūpopi , bhikkhave , idhekacco puggalo hoti .

Ayaṃ , bhikkhave , dutiyo yodhājīvūpamo puggalo santo saṃvijjamāno bhikkhūsu .

‘‘ Puna caparaṃ , bhikkhave , bhikkhu aññataraṃ gāmaṃ vā nigamaṃ vā upanissāya viharati .

So tattha passati mātugāmaṃ dunnivatthaṃ vā duppārutaṃ vā .

Tassa taṃ mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti .

So rāgānuddhaṃsitena cittena pariḍayhateva kāyena pariḍayhati cetasā .

Tassa evaṃT3.110 hoti –

‘ yaṃnūnāhaṃ ārāmaṃ gantvā bhikkhūnaṃ āroceyyaṃ – rāgapariyuṭṭhitomhi , āvuso , rāgapareto , na sakkomi brahmacariyaṃV2.91 sandhāretuṃ ;

sikkhādubbalyaṃ āvikatvā sikkhaṃ paccakkhāya hīnāyāvattissāmī ’ ti .

So ārāmaṃ gantvā bhikkhūnaṃ āroceti –

‘ rāgapariyuṭṭhitomhi , āvuso , rāgapareto , na sakkomi brahmacariyaṃ sandhāretuṃ ;

sikkhādubbalyaṃ āvikatvā sikkhaṃ paccakkhāya hīnāyāvattissāmī ’’’ ti .

‘‘ Tamenaṃ sabrahmacārī ovadanti anusāsanti –

‘ appassādāP3.97 , āvuso , kāmā vuttā bhagavatā bahudukkhā bahupāyāsā [ bahūpāyāsā ( sī . syā . kaṃ . pī .) pāci .417; cūḷava .65; ma . ni .1.234], ādīnavo ettha bhiyyo .

Aṭṭhikaṅkalūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Maṃsapesūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Tiṇukkūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Aṅgārakāsūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Supinakūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Yācitakūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Rukkhaphalūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Asisūnūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Sattisūlūpamā kāmā vuttā bhagavatāM2.86 bahudukkhā bahupāyāsā , ādīnavo etthaT3.111 bhiyyo .

Sappasirūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Abhiramatāyasmā brahmacariye ;

māyasmā sikkhādubbalyaṃ āvikatvā sikkhaṃ paccakkhāya hīnāyāvattī ’’’ ti .

‘‘ So sabrahmacārīhi evaṃ ovadiyamāno evaṃ anusāsiyamāno evamāha –

‘ kiñcāpi , āvuso , appassādā kāmā vuttā bhagavatā bahudukkhā bahupāyāsā , ādīnavo ettha bhiyyo ;

atha kho nevāhaṃ sakkomi brahmacariyaṃ sandhāretuṃ , sikkhādubbalyaṃ āvikatvā sikkhaṃ paccakkhāya hīnāyāvattissāmī ’’’ ti .

So sikkhādubbalyaṃ āvikatvā sikkhaṃ paccakkhāya hīnāyāvattati .

apanetvāP3.98 ñātakānaṃ nenti , tamenaṃ ñātakā upaṭṭhahanti paricarantiV2.92 .

So ñātakehi upaṭṭhahiyamāno paricariyamāno teneva ābādhena kālaṃ karoti ;

tathūpamāhaṃ , bhikkhave , imaṃ puggalaṃ vadāmi .

Evarūpopi , bhikkhave , idhekacco puggalo hoti .

Ayaṃ , bhikkhave , tatiyo yodhājīvūpamo puggalo santo saṃvijjamāno bhikkhūsu .

‘‘ Puna caparaṃ , bhikkhave , bhikkhu aññataraṃ gāmaṃ vā nigamaṃ vā upanissāya viharati .

So tattha passati mātugāmaṃ dunnivatthaṃ vā duppārutaṃ vā .

TassaT3.112 taṃ mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti .

So rāgānuddhaṃsitena cittena pariḍayhateva kāyena pariḍayhati cetasā .

Tassa evaṃ hoti –

‘ yaṃnūnāhaṃ ārāmaṃ gantvā bhikkhūnaṃ āroceyyaṃ – rāgapariyuṭṭhitomhi , āvuso , rāgapareto , na sakkomi brahmacariyaṃM2.87 sandhāretuṃ ;

sikkhādubbalyaṃ āvikatvā sikkhaṃ paccakkhāya hīnāyāvattissāmī ’ ti .

So ārāmaṃ gantvā bhikkhūnaṃ āroceti –

‘ rāgapariyuṭṭhitomhi , āvuso , rāgapareto , na sakkomi brahmacariyaṃ sandhāretuṃ ;

sikkhādubbalyaṃ āvikatvā sikkhaṃ paccakkhāya hīnāyāvattissāmī ’’’ ti .

‘‘ Tamenaṃ sabrahmacārī ovadanti anusāsanti –

‘ appassādā , āvuso , kāmā vuttā bhagavatā bahudukkhā bahupāyāsā , ādīnavo ettha bhiyyo .

Aṭṭhikaṅkalūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Maṃsapesūpamā kāmā vuttā bhagavatā … pe … tiṇukkūpamā kāmā vuttā bhagavatā … aṅgārakāsūpamā kāmā vuttā bhagavatā … supinakūpamā kāmā vuttā bhagavatā … yācitakūpamā kāmā vuttā bhagavatā … rukkhaphalūpamā kāmā vuttā bhagavatā … asisūnūpamā kāmāP3.99 vuttā bhagavatā … sattisūlūpamā kāmā vuttā bhagavatā … sappasirūpamā kāmā vuttā bhagavatā bahudukkhā bahupāyāsā , ādīnavo ettha bhiyyo .

Abhiramatāyasmā brahmacariye ;

māyasmā sikkhādubbalyaṃ āvikatvā sikkhaṃ paccakkhāya hīnāyāvattī ’’’ ti .

‘‘ SoT3.113 sabrahmacārīhi evaṃ ovadiyamāno evaṃ anusāsiyamāno evamāha –

‘ ussahissāmiV2.93 , āvuso , vāyamissāmi , āvuso , abhiramissāmi , āvuso !

Na dānāhaṃ , āvuso , sikkhādubbalyaṃ āvikatvā sikkhaṃ paccakkhāya hīnāyāvattissāmī ’’’ ti .

apanetvā ñātakānaṃ nenti , tamenaṃ ñātakā upaṭṭhahanti paricaranti .

So ñātakehi upaṭṭhahiyamāno paricariyamāno vuṭṭhāti tamhā ābādhā ;

tathūpamāhaṃ , bhikkhave , imaṃ puggalaṃ vadāmi .

Evarūpopi , bhikkhave , idhekacco puggalo hoti .

Ayaṃ , bhikkhave , catuttho yodhājīvūpamo puggalo santo saṃvijjamāno bhikkhūsu .

‘‘ Puna caparaṃ , bhikkhave , bhikkhu aññataraṃ gāmaṃ vā nigamaṃ vā upanissāya viharati .

So pubbaṇhasamayaṃ nivāsetvā pattacīvaramādāya tameva gāmaṃ vā nigamaṃ vā piṇḍāya pavisati rakkhiteneva kāyena rakkhitāya vācāya rakkhitena cittena upaṭṭhitāya satiyā saṃvutehi indriyehi .

SoM2.88 cakkhunā rūpaṃ disvā na nimittaggāhī hoti nānubyañjanaggāhī .

Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ , tassa saṃvarāya paṭipajjati ;

rakkhati cakkhundriyaṃ ;

cakkhundriye saṃvaraṃ āpajjati .

Sotena saddaṃ sutvā … ghānena gandhaṃ ghāyitvāT3.114 … jivhāya rasaṃ sāyitvā … kāyenaP3.100 phoṭṭhabbaṃ phusitvā … manasā dhammaṃ viññāya na nimittaggāhī hoti nānubyañjanaggāhī .

Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ , tassa saṃvarāya paṭipajjati ;

rakkhati manindriyaṃ ;

manindriye saṃvaraṃ āpajjati .

So pacchābhattaṃ piṇḍapātapaṭikkanto vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ .

So araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā .

So abhijjhaṃ loke pahāya … pe … so ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi … pe …V2.94 catutthaṃ jhānaṃ upasampajja viharati .

‘‘ So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti .

So ‘ idaṃ dukkhan ’ ti yathābhūtaṃ pajānāti … pe … nāparaṃ itthattāyāti pajānāti ’’.

‘‘ Seyyathāpi so , bhikkhave , yodhājīvo asicammaṃ gahetvā dhanukalāpaṃ sannayhitvā viyūḷhaṃ saṅgāmaṃ otarati , so taṃ saṅgāmaṃ abhivijinitvā vijitasaṅgāmo tameva saṅgāmasīsaṃ ajjhāvasati ;

tathūpamāhaṃ , bhikkhave , imaṃ puggalaṃ vadāmi .

Evarūpopi , bhikkhave , idhekacco puggalo hoti .

Ayaṃ , bhikkhave , pañcamo yodhājīvūpamo puggalo santo saṃvijjamāno bhikkhūsu .

Ime kho , bhikkhaveT3.115 , pañca yodhājīvūpamā puggalā santo saṃvijjamānā bhikkhūsū ’’ ti .

Chaṭṭhaṃ .

Issues

Select Version

Pañcakanipātapāḷi

Pañcakanipātapāḷi