Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Pañcakanipātapāḷi
Pañcakanipātapāḷi

2. Sikkhāpadapeyyālaṃ

Author： _System_Pali_VRI_ @ Administrator

2. Sikkhāpadapeyyālaṃ

1. Bhikkhusuttaṃ

286.‘‘ PañcahiV2.260M2.243 , bhikkhave , dhammehi samannāgato bhikkhu yathābhataṃ nikkhitto evaṃ niraye .
Katamehi pañcahi ?
Pāṇātipātī hoti , adinnādāyī hoti , abrahmacārī hoti , musāvādī hoti , surāmerayamajjapamādaṭṭhāyī hoti .
ImehiP3.276 kho , bhikkhave , pañcahi dhammehi samannāgato bhikkhu yathābhataṃ nikkhitto evaṃ niraye .
‘‘ Pañcahi , bhikkhave , dhammehi samannāgato bhikkhu yathābhataṃ nikkhitto evaṃ sagge .
Katamehi pañcahiT3.307 ?
Pāṇātipātā paṭivirato hoti , adinnādānā paṭivirato hoti , abrahmacariyā paṭivirato hoti , musāvādā paṭivirato hoti , surāmerayamajjapamādaṭṭhānā paṭivirato hoti .
Imehi kho , bhikkhave , pañcahi dhammehi samannāgato bhikkhu yathābhataṃ nikkhitto evaṃ sagge ’’ ti .
Paṭhamaṃ .

2-7.
Bhikkhunīsuttādichakkaṃ

287-292.
‘‘ Pañcahi , bhikkhave , dhammehi samannāgatā bhikkhunī … pe … sikkhamānā … sāmaṇero … sāmaṇerī … upāsako … upāsikā yathābhataṃ nikkhittā evaṃ niraye .
Katamehi pañcahi ?
Pāṇātipātinī hoti , adinnādāyinī hoti , kāmesumicchācārinī hoti , musāvādinī hoti , surāmerayamajjapamādaṭṭhāyinī hoti .
Imehi kho , bhikkhave , pañcahi dhammehi samannāgatā upāsikā yathābhataṃ nikkhittā evaṃ niraye .
‘‘ Pañcahi , bhikkhave , dhammehi samannāgatā upāsikā yathābhataṃ nikkhittā evaṃ sagge .
Katamehi pañcahi ?
Pāṇātipātā paṭiviratā hoti , adinnādānā paṭiviratā hoti , kāmesumicchācārā paṭiviratā hoti , musāvādā paṭiviratāV2.261 hoti , surāmerayamajjapamādaṭṭhānā paṭiviratā hoti .
Imehi kho , bhikkhave , pañcahi dhammehi samannāgatā upāsikā yathābhataṃ nikkhittā evaṃ sagge ’’ ti .
Sattamaṃ .

8. Ājīvakasuttaṃ

293.‘‘ PañcahiM2.244 , bhikkhave , dhammehi samannāgato ājīvako yathābhataṃ nikkhitto evaṃ niraye .
Katamehi pañcahi ?
Pāṇātipātī hoti , adinnādāyī hoti , abrahmacārī hoti , musāvādī hoti , surāmerayamajjapamādaṭṭhāyī hoti .
Imehi kho , bhikkhave , pañcahi dhammehi samannāgatoT3.308 ājīvako yathābhataṃ nikkhitto evaṃ niraye ’’ ti .
Aṭṭhamaṃ .

9-17.
Nigaṇṭhasuttādinavakaṃ

294-302.
‘‘ Pañcahi , bhikkhave , dhammehi samannāgato nigaṇṭho … pe … muṇḍasāvako … jaṭilako … paribbājako … māgaṇḍiko … tedaṇḍiko … āruddhako … gotamako … devadhammikoP3.277 yathābhataṃ nikkhitto evaṃ niraye .
Katamehi pañcahi ?
Pāṇātipātī hoti , adinnādāyī hoti … pe … surāmerayamajjapamādaṭṭhāyī hoti .
Imehi kho , bhikkhave , pañcahi dhammehi samannāgato devadhammiko yathābhataṃ nikkhitto evaṃ niraye ’’ ti .
Sattarasamaṃ .
Sikkhāpadapeyyālaṃ niṭṭhitaṃ .