4. Dussīlasuttaṃ
24.[ a . ni .5.168;6.50;7.65]‘‘ Dussīlassa
T3.21 , bhikkhave , sīlavipannassa hatūpaniso hoti sammāsamādhi ;sammāsamādhimhi asati sammāsamādhivipannassa hatūpanisaṃ hoti yathābhūtañāṇadassanaṃ ;
yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo ;
nibbidāvirāge asati nibbidāvirāgavipannassa hatūpanisaṃ hoti vimuttiñāṇadassanaṃ .
Seyyathāpi
V2.18 , bhikkhave , rukkho sākhāpalāsavipanno .Tassa papaṭikāpi na pāripūriṃ gacchati , tacopi na pāripūriṃ
P3.20 gacchati , pheggupi na pāripūriṃ gacchati , sāropi na pāripūriṃ gacchati ;evamevaṃ kho , bhikkhave , dussīlassa sīlavipannassa hatūpaniso hoti sammāsamādhi ;
sammāsamādhimhi asati sammāsamādhivipannassa hatūpanisaṃ hoti yathābhūtañāṇadassanaṃ ;
yathābhūtañāṇadassane asati yathābhūtañāṇadassanavipannassa hatūpaniso hoti
M2.17 nibbidāvirāgo ;nibbidāvirāge asati nibbidāvirāgavipannassa hatūpanisaṃ hoti vimuttiñāṇadassanaṃ .
‘‘ Sīlavato , bhikkhave , sīlasampannassa upanisasampanno hoti sammāsamādhi ;
sammāsamādhimhi sati sammāsamādhisampannassa upanisasampannaṃ hoti yathābhūtañāṇadassanaṃ ;
yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo ;
nibbidāvirāge sati nibbidāvirāgasampannassa upanisasampannaṃ hoti vimuttiñāṇadassanaṃ .
Seyyathāpi , bhikkhave , rukkho sākhāpalāsasampanno .
Tassa papaṭikāpi pāripūriṃ gacchati , tacopi pāripūriṃ gacchati , pheggupi pāripūriṃ gacchati , sāropi pāripūriṃ gacchati ;
evamevaṃ
T3.22 kho , bhikkhave , sīlavato sīlasampannassa upanisasampanno hoti sammāsamādhi ;sammāsamādhimhi sati sammāsamādhisampannassa upanisasampannaṃ hoti yathābhūtañāṇadassanaṃ ;
yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo ;
nibbidāvirāge sati nibbidāvirāgasampannassa upanisasampannaṃ hoti vimuttiñāṇadassanan ’’ ti .
Catutthaṃ .