9. Puttasuttaṃ

Author： _System_Pali_VRI_ @ Administrator

No version selected — showing the Pali original by default.

39.‘‘ PañcimāniV2.39 , bhikkhave , ṭhānāni sampassantā mātāpitaro puttaṃ icchanti kule jāyamānaṃ .

Katamāni pañca ?

Bhato vā no bharissati ;

kiccaṃ vā no karissati ;

kulavaṃso ciraṃ ṭhassati ;

dāyajjaṃ paṭipajjissati ;

atha vā pana petānaṃ kālaṅkatānaṃ dakkhiṇaṃ anuppadassatīti .

Imāni kho , bhikkhave , pañca ṭhānāni sampassantā mātāpitaro puttaṃ icchanti kule jāyamānan ’’ ti .

[ kathā .491]‘‘ Pañca ṭhānāni sampassaṃ , puttaṃ icchanti paṇḍitā ;

Bhato vā no bharissati , kiccaṃ vā no karissati .

‘‘ Kulavaṃso ciraṃ tiṭṭhe , dāyajjaṃ paṭipajjati ;

AthaT3.47 vā pana petānaṃ , dakkhiṇaṃ anuppadassati .

‘‘ Ṭhānānetāni sampassaṃ , puttaṃ icchanti paṇḍitā ;

Tasmā santo sappurisā , kataññū katavedino .

‘‘ Bharanti mātāpitaro , pubbe katamanussaraṃ ;

KarontiP3.44 nesaṃ kiccāni , yathā taṃ pubbakārinaṃ .

‘‘ Ovādakārī bhataposī , kulavaṃsaṃ ahāpayaṃ ;

Saddho sīlena sampanno , putto hoti pasaṃsiyo ’’ ti .

navamaṃ ;