9. Paṭhamasekhasuttaṃ
89.‘‘ Pañcime , bhikkhave , dhammā sekhassa bhikkhuno parihānāya saṃvattanti .
Katame pañca
V2.108 ?Kammārāmatā , bhassārāmatā , niddārāmatā , saṅgaṇikārāmatā , yathāvimuttaṃ cittaṃ na paccavekkhati – ime kho , bhikkhave , pañca dhammā sekhassa bhikkhuno parihānāya saṃvattanti .
‘‘ Pañcime , bhikkhave , dhammā sekhassa bhikkhuno aparihānāya saṃvattanti .
Katame pañca ?
Na kammārāmatā , na bhassārāmatā , na niddārāmatā , na saṅgaṇikārāmatā , yathāvimuttaṃ cittaṃ paccavekkhati – ime kho , bhikkhave , pañca dhammā sekhassa bhikkhuno aparihānāya saṃvattantī ’’ ti .
Navamaṃ .