4. Phāsuvihārasuttaṃ
94.‘‘ Pañcime
M2.105 , bhikkhave , phāsuvihārā .Katame pañca ?
Idha , bhikkhave , bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati ;
vitakkavicārānaṃ vūpasamā … pe … dutiyaṃ jhānaṃ …
T3.135V2.112 tatiyaṃ jhānaṃ … catutthaṃ jhānaṃ upasampajja viharati ;āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati .
Ime kho , bhikkhave , pañca phāsuvihārā ’’ ti .
Catutthaṃ .