245. Sampayuttacatukkepi avijjāpaccayāti ettāvatā sahajātādipaccayavasena saṅkhārassa avijjāpaccayataṃ dassetvā puna ‘‘ avijjāsampayutto ’’ ti sampayuttapaccayatā dassitā .
Sesapadesupi eseva nayo .
Yasmā pana arūpīnaṃ dhammānaṃ rūpadhammehi sampayogo natthi , tasmā viññāṇapaccayā nāmarūpantiādīsu tatiyacatutthavārapadesu ‘‘ viññāṇasampayuttaṃ nāman ’’ tiādinā nayena yaṃ labbhati , tadeva gahitanti esa sampayuttacatukke viseso .