939. CatukkaniddeseV0.473 taṇhuppādesu cīvarahetūti ‘ kattha manāpaṃ cīvaraṃ labhissāmī ’ ti cīvarakāraṇā uppajjati . Itibhavābhavahetūti ettha itīti nidassanatthe nipāto ; yathā cīvarādihetu evaṃ bhavābhavahetūtipi attho . Bhavābhavoti cettha paṇītapaṇītatarāni telamadhuphāṇitādīni adhippetāni . Imesaṃ pana catunnaṃ taṇhuppādānaṃ pahānatthāya paṭipāṭiyāva cattāro ariyavaṃsā desitāti veditabbā .