902. Anajjavaniddese anajjavoti anujutākāro .
Anajjavabhāvo anajjavatā .
Jimhatāti candavaṅkatā .
Vaṅkatāti gomuttavaṅkatā .
Kuṭilatāti naṅgalakoṭivaṅkatā .
Sabbehipi imehi padehi kāyavacīcittavaṅkatāva kathitā .
Amaddavaniddese na mudubhāvo amudutā .
Amaddavākāro amaddavatā .
Kakkhaḷabhāvo kakkhaḷiyaṃ .
Maddavakarassa sinehassa abhāvato pharusabhāvo phārusiyaṃ .
Anīcavuttitāya ujukameva ṭhitacittabhāvo ujucittatā
M0.476 .
Puna amudutāgahaṇaṃ tassā visesanatthaṃ ‘ amudutāsaṅkhātā ujucittatā , na ajjavasaṅkhātā ujucittatā ’ ti .