847. Thambhaniddese thaddhaṭṭhena thambho ;
khaliyā thaddhasāṭakassa viya cittassa thaddhatā ettha kathitā .
Thambhanākāro thambhanā .
Thambhitassa bhāvo thambhitattaṃ .
Kakkhaḷassa puggalassa bhāvo kakkhaḷiyaṃ .
Pharusassa puggalassa bhāvo phārusiyaṃ .
Abhivādanādisāmīcirahānaṃ tassā sāmīciyā akaraṇavasena ujumeva ṭhapitacittabhāvo ujucittatā .
Thaddhassa amuduno bhāvo amudutā .
Ayaṃ vuccatīti ayaṃ thambho nāma vuccati , yena samannāgato puggalo gilitanaṅgalasīso viya ajagaro , vātabharitā viya bhastā cetiyaṃ vā vuḍḍhatare vā disvā onamituṃ
V0.444 na sakkoti , pariyanteneva carati .
Svāyaṃ cittassa uddhumātabhāvalakkhaṇoti veditabbo .