4. Vīthiparicchedavaṇṇanā
1. Iccevaṃ
V0.128 yathāvuttanayena cittuppādānaṃ catunnaṃ khandhānaṃ uttaraṃ vedanāsaṅgahādivibhāgato uttamaṃ pabhedasaṅgahaṃ katvā puna kāmāvacarādīnaṃ tiṇṇaṃ bhūmīnaṃ , dvihetukādipuggalānañca bhedena lakkhitaṃ ‘‘ idaṃ ettakehi paraṃ , imassa anantaraṃ ettakāni cittānī ’’ ti evaṃ pubbāparacittehi niyāmitaṃ paṭisandhipavattīsu cittuppādānaṃ pavattisaṅgahaṃ nāma tannāmakaṃ saṅgahaṃ yathāsambhavato samāsena pavakkhāmīti yojanā . 2. Vatthudvārārammaṇasaṅgahā heṭṭhā kathitāpi paripuṇṇaṃ katvā pavattisaṅgahaṃ dassetuṃ puna nikkhittā .
3. Visayānaṃ dvāresu , visayesu ca cittānaṃ pavatti visayappavatti .
4. Tatthāti tesu chasu chakkesu .
Vīthichakkavaṇṇanā
6.‘‘ Cakkhudvāre
M0.138 pavattā vīthi cittaparamparā cakkhudvāravīthī ’’ tyādinā dvāravasena ,‘‘ cakkhuviññāṇasambandhinī vīthi tena saha ekārammaṇaekadvārikatāya sahacaraṇabhāvato cakkhuviññāṇavīthī ’’ tyādinā viññāṇavasena vā vīthīnaṃ nāma yojanā kātabbāti dassetuṃ ‘‘ cakkhudvāravīthī ’’ tyādi vuttaṃ .Vīthichakkavaṇṇanā niṭṭhitā .