Mahaggatacittasaṅgahanayavaṇṇanā
38. Tīsūti
V0.112 kusalavipākakiriyavasena tividhesu sīlavisuddhivasena suvisodhitakāyavacīpayogassa kevalaṃ cittasamādhānamattena mahaggatajjhānāni pavattanti , na pana kāyavacīkammānaṃ visodhanavasena , nāpi duccaritadurājīvānaṃ samucchindanapaṭippassambhanavasenāti vuttaṃ ‘‘ virativajjitā ’’ ti .Paccekamevāti visuṃ visuṃyeva .
Pannarasasūti rūpāvacaravasena tīsu , āruppavasena dvādasasūti pannarasasu .
Appamaññāyo na labbhantīti ettha kāraṇaṃ vuttameva .
Mahaggatacittasaṅgahanayavaṇṇanā niṭṭhitā .