5. Dāmalisuttavaṇṇanā
86. Pañcame na tenāsīsate bhavan ti tena kāraṇena yaṃ kiñci bhavaṃ na pattheti .
Āyatapaggaho nāmesa devaputto , khīṇāsavassa kiccavosānaṃ natthi .
Khīṇāsavena hi ādito arahattappattiyā
V1.95 vīriyaṃ kataṃM1.98 , aparabhāge mayā arahattaṃ pattanti mā tuṇhī bhavatu , tatheva vīriyaṃ daḷhaṃ karotu parakkamatūti cintetvā evamāha .
Atha bhagavā ‘‘ ayaṃ devaputto khīṇāsavassa kiccavosānaṃ akathento mama sāsanaṃ aniyyānikaṃ katheti , kiccavosānamassa kathessāmī ’’ ti cintetvā natthi kiccan tiādimāha .
Tīsu kira piṭakesu ayaṃ gāthā asaṃkiṇṇā .
Bhagavatā hi aññattha vīriyassa doso nāma dassito natthi .
Idha pana imaṃ devaputtaṃ paṭibāhitvā ‘‘ khīṇāsavena pubbabhāge āsavakkhayatthāya araññe vasantena kammaṭṭhānaṃ ādāya vīriyaṃ kataṃ , aparabhāge sace icchati , karotu , no ce icchati , yathāsukhaṃ viharatū ’’ ti khīṇāsavassa kiccavosānadassanatthaṃ evamāha .Tattha gādhan ti patiṭṭhaṃ .