10. Lokasuttavaṇṇanā
70. Dasame kismiṃ loko samuppannoti kismiṃ uppanne loko uppannoti pucchati .
Chasūti chasu ajjhattikesu āyatanesu uppannesu uppannoti vuccati .
Chasu kubbatīti tesuyeva chasu santhavaṃ karoti .
Upādāyāti tāniyeva ca upādāya āgamma paṭicca pavattati .
Vihaññatīti tesuyeva chasu vihaññati pīḷiyati .
Iti ajjhattikāyatanavasena ayaṃ pañho āgato , ajjhattikabāhirānaṃ pana vasena āharituṃ vaṭṭati .
Chasu hi ajjhattikāyatanesu uppannesu ayaṃ uppanno nāma hoti , chasu bāhiresu santhavaṃ karoti , channaṃ ajjhattikānaṃ upādāya chasu bāhiresu vihaññatīti .
Dasamaṃ .
Addhavaggo sattamo .
8. Chetvāvaggo