Catutthaṃ .
5. Anomasuttavaṇṇanā
45. Pañcame anomanāman ti sabbaguṇasamannāgatattā avekallanāmaṃ , paripūranāmanti attho .
Nipuṇatthadassin ti bhagavā saṇhasukhume khandhantarādayo atthe passatīti nipuṇatthadassī .
Paññādadan ti anvayapaññādhigamāya paṭipadaṃ kathanavasena paññāya dāyakaṃ .
Kāmālaye asattan ti pañcakāmaguṇālaye alaggaṃ .
Kamamānan ti bhagavā mahābodhimaṇḍeyeva ariyamaggena gato , na idāni gacchati , atītaṃ pana upādāya idaṃ vuttaṃ .
Mahesin ti mahantānaṃ sīlakkhandhādīnaṃ esitāraṃ pariyesitāranti .
Pañcamaṃ .