Issues
Editor
Settings
Versions
Select Version
元亨寺·CBETA
中文
Bhāsāṭīkā-ဘာသာဋီကာ
မြန်မာဘာသာ
Cūḷavaggapāḷi
Cūḷavaggapāḷi

Kaṇhapakkhanavakaṃ

Author： _System_Pali_VRI_ @ Administrator

Kaṇhapakkhanavakaṃ

187.‘‘ AdhammavādīV0.174 puggalo dhammavādiṃ puggalaṃ saññāpeti nijjhāpeti pekkheti anupekkheti dasseti anudasseti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhāhi , imaṃP2.74 rocehīti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī puggalo dhammavādī sambahule saññāpeti nijjhāpeti pekkheti anupekkheti dasseti anudasseti – ayaṃ dhammo , ayaṃ vinayoM0.189 , idaṃ satthusāsanaṃ , imaṃ gaṇhatha , imaṃ rocethāti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī puggalo dhammavādiṃ saṅghaṃ saññāpeti nijjhāpeti pekkheti anupekkheti dasseti anudasseti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhāhi , imaṃ rocehīti [ imaṃ gaṇhatha , imaṃ rocethāti ( ka .)].
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī sambahulā dhammavādiṃ puggalaṃ saññāpenti nijjhāpenti pekkhenti anupekkhenti dassenti anudassenti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhāhi , imaṃ rocehīti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ AdhammavādīT1.301 sambahulā dhammavādī sambahule saññāpenti nijjhāpenti pekkhenti anupekkhenti dassenti anudassenti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhatha , imaṃ rocethāti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī sambahulā dhammavādiṃ saṅghaṃ saññāpenti nijjhāpenti pekkhenti anupekkhenti dassenti anudassenti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhāhi , imaṃ rocehīti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī saṅgho dhammavādiṃ puggalaṃ saññāpeti nijjhāpeti pekkheti anupekkheti dassetiV0.175 anudasseti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhāhi , imaṃ rocehīti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī saṅgho dhammavādī sambahule saññāpeti nijjhāpeti pekkheti anupekkheti dasseti anudasseti – ayaṃ dhammo , ayaṃ vinayo , idaṃ satthusāsanaṃ , imaṃ gaṇhatha , imaṃ rocethāti .
Evañcetaṃ adhikaraṇaṃ vūpasammati , adhammena vūpasammati sammukhāvinayapatirūpakena .
‘‘ Adhammavādī saṅgho dhammavādiṃ saṅghaṃ saññāpeti nijjhāpeti pekkheti anupekkheti dasseti anudasseti – ayaṃ dhammo , ayaṃ vinayo , idaṃM0.190 satthusāsanaṃ , imaṃ gaṇhāhi , imaṃ rocehīti .
Evañcetaṃ adhikaraṇaṃ vūpasammati , adhammenaT1.302 vūpasammati sammukhāvinayapatirūpakena .
Kaṇhapakkhanavakaṃ niṭṭhitaṃ .