Tikāpattimānattaṃ
114. So parivutthaparivāso bhikkhūnaṃ ārocesi –
‘‘ ahaṃ , āvuso , ekaṃ āpattiṃ āpajjiṃ sañcetanikaṃ sukkavissaṭṭhiṃ pañcāhappaṭicchannaṃ … pe …
T1.185 sohaṃ parivutthaparivāso .Kathaṃ nu kho mayā paṭipajjitabban ’’ ti ?
Bhagavato etamatthaṃ ārocesuṃ .
‘‘ Tena hi , bhikkhave , saṅgho udāyissa bhikkhuno tissannaṃ āpattīnaṃ chārattaṃ mānattaṃ detu .
Evañca pana , bhikkhave , dātabbaṃ –
‘‘ Tena , bhikkhave , udāyinā bhikkhunā saṅghaṃ upasaṅkamitvā … pe … evamassa vacanīyo –
‘ ahaṃ , bhante , ekaṃ āpattiṃ āpajjiṃ sañcetanikaṃ sukkavissaṭṭhiṃ pañcāhappaṭicchannaṃ .
Sohaṃ saṅghaṃ ekissā āpattiyā sañcetanikāya sukkavissaṭṭhiyā pañcāhappaṭicchannāya
V0.111 pañcāhaparivāsaṃ yāciṃ .Tassa me saṅgho ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṃ adāsi … pe …
T1.186 sohaṃ , bhante , parivutthaparivāso saṅghaṃ tissannaṃ āpattīnaṃ chārattaṃ mānattaṃ yācāmī ’ ti .Dutiyampi yācitabbaṃ .
Tatiyampi yācitabbaṃ .
Byattena bhikkhunā paṭibalena saṅgho ñāpetabbo –
115.‘‘ Suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ pañcāhappaṭicchannaṃ … pe …
T1.187 so parivutthaparivāso saṅghaṃ tissannaṃ āpattīnaṃ chārattaṃ mānattaṃ yācati .Yadi saṅghassa pattakallaṃ , saṅgho udāyissa bhikkhuno tissannaṃ āpattīnaṃ chārattaṃ mānattaṃ dadeyya .
Esā ñatti .
‘‘ Suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ pañcāhappaṭicchannaṃ … pe …
T1.188 so parivutthaparivāso saṅghaṃM0.118 tissannaṃ āpattīnaṃ chārattaṃ mānattaṃ yācati .Saṅgho udāyissa bhikkhuno tissannaṃ āpattīnaṃ
P2.46 chārattaṃ mānattaṃ deti .Yassāyasmato khamati udāyissa bhikkhuno tissannaṃ āpattīnaṃ chārattaṃ mānattassa dānaṃ , so tuṇhassa ;
yassa nakkhamati , so bhāseyya .
‘‘ Dutiyampi etamatthaṃ vadāmi … pe … tatiyampi etamatthaṃ vadāmi … pe ….
‘‘ Dinnaṃ saṅghena udāyissa bhikkhuno tissannaṃ āpattīnaṃ chārattaṃ mānattaṃ .
Khamati saṅghassa , tasmā tuṇhī , evametaṃ dhārayāmī ’’ ti .